चितवनमा पहिरोले पुरिएर त्रिशूली नदीमा हराईरहेको बसमा ६५ यात्रु बेपत्ता
319 पटक पढिएको
![](https://dhadingnews.com/wp-content/uploads/2017/08/Mugling-Narayanghat-sadak2.jpg)
चितवन : नारायणगढ–मुग्लिन सडकको सिमलतालमा पहिरोले दुईवटा बस बगाएर त्रिशूली नदीमा बेपत्ता हुंदा बसका चालकसहित ६५ जना हराईरहेका छन् ।
चितवनका प्रहरी उपरिक्षक भावेश रिमालका अनुसार आज बिहान दुई बस त्रिशूलीमा खसेका हुन् । उनका अनुसार काठमाडौंबाट रौतहटको गौर जाँदै गरेको गणपति डिलक्स र वीरगञ्जबाट काठमाडौँ जाँदै गरेको एञ्जल बस त्रिशूलीमा खसेको हो ।
प्रहरी उपरिक्षक रिमालका अनुसार गौर जाँदै गरेको बसमा ४१ र काठमाडौँ जाँदै गरेको बसमा २४ जना रहेका थिए । उनले भने, ‘हामी घटनास्थलमा छौँ । पानी परिरहेकाले छ । उद्धारको काम थालिएको छ । पहिरो पन्छाउन सुरु गरिएको छ ।’
- फाईल तस्बिर