धादिङ, ३ मंसिर २०८१ । धादिङको नीलकण्ठ नगरपालिका–८ अमेरुवामा  स्वराज ट्रक र स्कुटर ठोक्किदा तीन जना घाइते भएका छन् ।

धादिङबेसी सल्यानटार सडक खण्डमा सोमबार दिउँसो भएको दुर्घटनामा परि ३ जना घाईते भएका छन् । धादिङबेसीबाट सल्यानटारतर्फ जादै गरेको बा ४ ख २७५९ नम्बरको स्वराज ट्रक र मुरलिभन्ज्याङ तर्फबाट धादिङबेसी आउदै गरेको बागमती प्रदेश ०६–००१–६८४६ नम्बरको स्कुटर एक आपसमा ठोक्किदा तीन जना घाईते भएका हुन । घाईते मध्ये एक जनाको अवस्था गम्भिर रहेको छ ।

दुर्घटनामा परि घाइते भएकी नीलकण्ठ नगरपालिका–९ बस्ने करिव २२ वर्षिया गायत्री लम्सालको अवस्था गम्भिर रहेको धादिङ अस्पतालका डाक्टर दिनेश रेग्मीले जानकारी दिनु भयो । नीलकण्ठ–३ बस्ने ३४ वर्षिय हरि खनाल र चितवन माडी–९ का कृष्ण प्रजाको टाउकोमा चोट चोट लागेको डा. रेग्मीले बताउनु भयो ।
धादिङ अस्पतालमा प्रारम्भिक उपचारपछि गायत्री लम्साल र हरि खनाललाई थप उपचारका लागि एक जना डाक्टरसहित काठमाडौ पठाइएको जिल्ला प्रहरी कार्यालय धादिङका प्रवक्ता एवम् प्रहरी निरीक्षक प्रल्हाद सिलवालले वताउनु भयो ।

स्वराजका चालक चन्द्रमान शाक्यलाई प्रहरीले नियन्त्रणमा लिएको छ ।