काठमाण्डौं, २० बैशाख २०८२ । द भ्वाइस अफ नेपाल सिजन ६ को उपाधि धादिङका प्रशेष पाण्डेले जितेका छन्।पाण्डे धादिङको गजुरी गाउँपालिकाका वासिन्दा हुन् ।

शुक्रबार राति भएको ग्रान्ड फिनालेमा  पाण्डे विजेता बनेका हुन्।

उपाधिसँगै पाण्डेले २० लाख नगदसहित अन्य दुई प्रायोजकबाट १/१ लाख रुपैयाँ पाएका छन् । प्रशेषले टीम खेम सेन्चुरीको समूहबाट प्रतिनिधित्व गरेका थिए।

पाण्डेले आफ्नो जित फरक क्षमता भएकाहरूको जित भएको बताए। त्यस्तै, कोच मेलिना राईको समूहबाट खोटाङका रोशन राई फस्ट रनरअप घोषित हुँदा कोच राजु लामाको समूहका इलामका प्रमेश राई सेकेन्ड रनरअप बने।

कोच उदय सोताङको समूहबाट प्रतिस्पर्धा गरेकी सिक्किमकी अर्पणा आचार्य थर्ड रनरअप घोषित भइन्।