धादिङ २४, माघ। आगामी निर्वाचनको तयारी र मतदाता अद्यावधिक गर्ने क्रमसँगै धादिङ जिल्लाको पछिल्लो मतदाता संख्या सार्वजनिक भएको छ। जिल्ला निर्वाचन कार्यालयको तथ्याङ्क अनुसार धादिङ जिल्लाका १३ वटा स्थानीय तहमा गरी कुल मतदाताको संख्या २ लाख ७५ हजार २ सय ८० पुगेको छ।

 जिल्लाको सदरमुकाम समेत रहेको नीलकण्ठ नगरपालिकामा सबैभन्दा बढी मतदाता रहेका छन् भने रुबीभ्याली गाउँपालिकामा सबैभन्दा कम मतदाता रहेका छन्। नीलकण्ठमा ४५ हजार ३ सय १६ मतदाता रहेका छन् भने रुबीभ्यालीमा यो संख्या ९ हजार २ सय ७२ मात्र रहेको छ।

जिल्लाका अन्य प्रमुख पालिकाहरू थाक्रे गाउँपालिकामा २७ हजार ७ सय २५ र धुनीबेसी नगरपालिकामा २६ हजार ७ सय ६ मतदाता रहेका छन्।

स्थानीय तह अनुसारको विस्तृत विवरण तलको तालिकामा हेर्नुहोस्:

निर्वाचन आयोगले १८ वर्ष पूरा भएका र मतदाता नामावलीमा नाम दर्ता गराएका नागरिकहरूलाई मात्र मतदान प्रक्रियामा सहभागी गराउने प्रावधान  छ। धादिङमा पनि पछिल्लो समय तल्लो तहसम्म पुगेर मतदाता नामावली संकलन र अद्यावधिक गरिएको थियो।

जिल्ला निर्वाचन कार्यालयका अनुसार यो संख्या अन्तिम मतदाता नामावलीको अद्यावधिक विवरण हो। मतदाता संख्यामा भएको यो बढोत्तरीले आगामी  निर्वाचनमा राजनीतिक दलहरूको चुनावी रणनीतिमा पनि प्रभाव पार्ने देखिन्छ।