धादिङ- माध्यमिक शिक्षा परीक्षा (एसईई) २०८२ मा ‘नन-ग्रेडेड’ भएका  विद्यार्थीहरूका लागि असार १ गतेदेखि ग्रेडवृद्धि (पूरक) परीक्षा सञ्चालन हुँदैछ। शिक्षा विकास तथा समन्वय इकाई धादिङका अनुसार जिल्लाका १३४ विद्यालयका कुल १,२५६ जना विद्यार्थीले यस परीक्षामा भाग लिनेछन्।

परीक्षालाई व्यवस्थित र मर्यादित रूपमा सम्पन्न गर्न जिल्लामा दुईवटा परीक्षा केन्द्रहरू तोकिएका छन्:

आदर्श मावि, गजुरी यस केन्द्रमा ६२ विद्यालयका ४९२ जना विद्यार्थीले परीक्षा दिनेछन्। नीलकण्ठ बालमन्दिर मावि, धादिङबेसी यस केन्द्रमा ७२ विद्यालयका ७६४ जना विद्यार्थीले परीक्षा दिनेछन्।

सम्बन्धित विद्यालयहरूलाई तोकिएको समयमै परीक्षामा सहभागी हुन र आवश्यक तयारी गर्न शिक्षा विकास तथा समन्वय इकाईले आग्रह गरेको छ।