राजपत्र अनंकित द्वितिय खरिदार (गाविस सचिव) पदमा काम गर्दै आएको सो पत्रमा उल्लेख थियो। जिविस अर्घाखाँचीमा २ दिन हाजीर भए लगत्तै दशै बिदा परेकाले भदौ र असोज महिनाको तलव र दशै पेस्की गरि ५५ हजार एक सय ४६ रुपैयाँ बुझी उनी घर गएका थिए। जिविसले लगत्तै उनलाई धरापानी गाविसमा पठाउने निर्णय गरेपनि उनी जिल्ला फर्किएनन्। स्थानीय विकास मन्त्रालयको नाममा कार्त्तिक ४ मा उनलाई काजमा भत्तपुर जिल्ला विकास समितिमा पठाइएको भन्ने पत्र जिविसमा आयो।

उनी रमना लिन नआएपछि जिविसले उनको बारेमा खोजविन गरेको हो। ‘खोजतलास गर्दा नक्कली कागजपत्र बनाएर जागिर खाएको खुलासा भयो’, स्थानीय विकास अधिकारी हरिप्रसाद ज्ञवालीले भने, ‘भक्तपुर काजमा सरुवा भयो भन्ने पत्र आएपनि रमना लिन नआएपछि माघ १४ गते मन्त्रालयमा बुझ्यौं, मन्त्रालयमा बुझ्दा नक्कली कर्मचारी भएको खुल्यो।’ उनले आफू जिल्ला नआउँदैको घटना भएकाले व्यक्तिका बारेमा जान्न नपाएको बताए। ‘कागजगपत्र हेर्दा शंका गर्ने स्थिति छैन’ उनले भने।