काठमाडौं । युरोपा लिग फुटबलमा इंग्लीश क्लबहरु लिभरपुल र वेष्ट ह्याम युनाइटेड विजयी हुँदा ब्राइटन पराजित भएको छ ।

युरोपियन क्लब फुटबलको दोस्रो ठूलो प्रतियोगिता युरोपा लिगको खेलमा लिभरपुलले अष्ट्रियाको लिन्जलाई ३–१ ले पराजत गर्‍यो । यही समुहको अर्को खेलमा फ्रान्सको टुलुजले बेल्जीयमको युनियन सेन्ट गिलोइसँग १–१ गोलको बराबरी खेल्यो ।

अर्को इंग्लीश क्लब वेष्ट ह्याम युनाइटेडले गएराति सर्वियाको बाच्का तोपोलालाई ३–१ ले पराजित गर्दा ब्राइटनलाई भने ग्रिसको ए.ई.के एथेन्सले ३–२ ले पराजित गर्‍यो । पहिलो पटक युरोपियन प्रतियोगिता खेलिरहेको ब्राइटन आफ्नै मैदानमा पराजित भएको हो ।

युरोपा लिगका अन्य खेलहरुमा स्कटल्याण्डको रेन्जर्सले स्पेनको रियाल बेटिसलाई १–० ले हराउँदा जर्मनीको फ्राइबर्गले ग्रिसको ओलम्पियाकोसलाई ३–२ ले तथा बायर लिभरकुजेनले स्विडेनको बीके ह्याकनलाई ४–० ले पाखा लगायो ।