काठमाडौं । इंग्लीश प्रिमियर लिग फुटबलमा शनिबार राति चेल्सी र म्यान्चेस्टर सिटी विजयी भएका छन् भने म्यान्चेस्टर युनाइटेड पराजित भएको छ ।

तालिकाको तेस्रो स्थानमा उक्लिनेक्रममा म्यान्चेस्टर सिटीले शेफिल्ड युनाइटेडलाई २–० ले हरायो । सिटीको जितमा रोड्री र जुलियन अल्भारेजको एक एक गोल सामेल थियो ।

शनिबार राति भएको अर्को खेलमा चेल्सीले लुटन टाउनलाई ३–२ ले पाखा लगायो । चेल्सीका कोल पाल्मरले दुई तथा नोनी माडुकेले एक गोल गरेको खेलमा लुटन टाउनका रोस बाकर््ले र अडेबायोले दुई गोल फर्काए ।

प्रिमियर लिगकै अन्य खेलहरुमा नटिङ्घम फरेष्टले म्यान्चेस्टर युनाइटेडलाई २–१ ले हराउँदा एस्टन भिल्लाले बर्न्लेमाथि ३–२ को तथा क्रिष्टल प्यालेसले ब्रेन्टफोर्डमाथि ३–१ को जित निकाल्यो । वुल्भरह्याम्पटन वान्डरर्सले एभर्टनलाई ३–० ले पराजित ग¥यो ।

शनिबार राति भएका खेलपछि प्रिमियर लिगको तालिकामा १९ खेलबाट ४२ अंक जोडेको लिभरपुल शीर्ष स्थानमा यथावत रहँदा एक खेल बढी खेलेको एस्टन भिल्ला ४२ अंकसहित दोस्रो स्थानमा उक्लिएको छ । तेस्रो स्थानको म्यान्चेस्टर सिटी र चौथो स्थानको आर्सनलको समान ४० अंक छ ।