काठमाडौँ । जारी प्रधानमन्त्री कप एकदिवसीय पुरुष क्रिकेट प्रतियोगितामा कर्णाली प्रदेशले कोशी प्रदेशलाई पराजित गरेको छ । लपानीस्थित माथिल्लो क्रिकेट मैदानमा आज भएको खेलमा कर्णालीले कोशी प्रदेशलाई ६ विकेटले पराजित गर्‍यो।

​यससँगै तेस्रो जित हासिल गरेको कर्णालीले ६ खेलपछि ६ अंक जोडेको छ। ७ खेल खेलेको कोशी प्रदेश अहिलेसम्म अंकविहीन छ।

कोशीले प्रस्तुत गरेको १५२ रनको लक्ष्य कर्णालीले २८ ओभर ३ बलमा ४ विकेट गुमाउँदै पूरा गर्‍यो।

​कर्णालीका लागि अर्जुन घर्तीले ४८ बलमा ६ चौका र २ छक्काको मद्दतमा अविजित ५० रन बनाए। विपीन शाहीले २८ रन, हिमांशु शाहीले अविजित २४ रन, निश्चल रावलले २१ रन तथा कप्तान रवीन्द्र शाहीले १२ रन बनाए।