काठमाडौं । १९ वर्ष मुनिको विश्वकप क्रिकेटमा आज नेपाल र पाकिस्तानबीच खेल हुँदै छ । खेल दक्षिण अफ्रिकाको इस्ट लण्डन शहरमा नेपाली समय अनुसार दिउँसो पौने दुई बजे सुरु हुनेछ ।

विश्वकप क्रिकेट प्रतियोगितामा नेपालको यो दोस्रो खेल हो । यसअघि आइतवार भएको पहिलो खेलमा नेपाललाई न्ज्युजिल्याण्डले ६४ रनले हराएको थियो ।

आज बुधबारको खेल नेपाललाई प्रतियोगितामा जिवित रहन निर्णायक मानिएको छ । यो खेल हारेको खण्डमा नेपाल समुह चरणबाटै बाहिरिने निश्चित हुनेछ । खेल जितेको खण्डमा नेपालको अर्को चरणमा पुग्ने गणितीय संभावना बाँकी रहन्छ ।