काठमाडौं।आइसीसी क्रिकेट विश्वकप लिग-२ अन्तर्गत नेदरल्याण्डसले नामिबियालाई ७ विकेटले पराजित गरेको छ। सोमबार टियु क्रिकेट मैदानमा सम्पन्न खेलमा नेदरल्याण्डसले नामिबियालाई ७ विकेटले पराजित गरेको हो।

नामिबियाले दिएको १२४ रनको लक्ष्य पछाएको नेदरल्याण्डसले २७.२ ओभरमा ३ विकेट गुमाउदै लक्ष्य पुरा गरेको थियो। यस अघि टस हारेर पहिला ब्याटिङ गरेको नामिबियाले ३५.१ ओभरमा अल आउट हुँदै १ सय २३ रन मात्र बनाएको थियो।

नामिबियाको ब्याटिंग लाइन ध्वस्त गर्ने क्रममा नेदरल्याण्डसका बलर आर्यन दत्तले सर्बाधिक ६ विकेट लिएका थिए। आर्यनले ९ ओभरमा ३४ रन दिएर ६ विकेट लिएका थिए। यो जितसँगै नेदरल्याण्डसले लिग-२ मा २ अंक हासिल गरेको छ। लिग-२ का २/२ खेल सकिदा नेपाल, नामिबिया र नेदरल्याण्डसको २/२ अंक भएको छ र रनरेटको आधारमा नेपाल शिर्ष स्थानमा रहेको छ