काठमाडौं : अख्तियार दुरुपयोग अनुसन्धान आयोगले भ्रष्टाचारको अभियोगमा छानबिनका लागि आइतबार गरीबि निवारण कोषका कार्यकारी निर्देशक  राजबाबु श्रेष्ठलाई निलम्बन गर्न कोषलाई परिपत्र गरेको छ।

सरकारबाट बिनियोजित बजेट र दातृ निकायबाट प्राप्त रकममा अनियमितता भएको भन्दै छानबिनका लागि अख्तियारमा उजुरी परेको थियो। हालसम्मको अनुसन्धानबाट  भ्रष्टाचारको संभावना बढी देखिएको बताउँदै अख्तियारले निलम्बन गर्न लेखि पठाएको हो।

आफुविरुद्धको प्रमाण लोप गर्नसक्ने र अनुसन्धानमा बाधा पु:याउन सक्ने देखिएकाले श्रेष्ठलाई निलम्बन गरिएको अख्तियारद्वारा जारी विज्ञप्तीमा जनाइएको छ।