कुन सचिव कहाँ छन् त ?

सुनिलबहादुर मल्ललाई सूचना तथा सञ्चार मन्त्रालयमा, विजयकुमार मल्लिकलाई मध्यमाञ्चल क्षेत्रीय कार्यालयमा, ईश्वरीप्रसाद पौडेललाई जल तथा उर्जा आयोगमा र रमेशकुमार शर्मा, राष्ट्रिय सतर्कता केन्द्र कामू सचिव भएकै बखत दिइएको जिम्मेवारीमा रहेका छन् । यसैगरी दिनेशकुमार थपलिया पश्चिमाञ्चल क्षेत्रीय कार्यालयमा, खुमराज पुन्जाली शान्ति मन्त्रालयमा, टंकमणी शर्मा सार्वजनिक खरिद अनुगमन कार्यालयमा र प्रेमकुमार राईलाई अख्तियार दुरुपयोग अनुसन्धान आयोग जहाँ पहिले नै उनीहरुलाई जिम्मेवारी तोकिएको थियो ।
त्यसैगरी, लेखा परिक्षण सेवाबाट ईश्वरराज श्रेष्ठलाई महालेखा परीक्षकको कार्यालयमा रहने गरि सचिवहरु बढुवा भएको सूचना तथा सन्चार मन्त्री डा. मीनेन्द्र रिजालले मन्त्रीपरिषद्को बैठकपछि जानकारी गराए ।
यसैगरी मन्त्रीपरिषद्को बैठकले नेपाल विविध सेवा राजपत्रांकित तृतीय श्रेणीको महिला विकास अधिकृतको न्यूनतम शैक्षिक योग्यता तोक्नाका साथै निजामती कर्मचारीका सन्ततिलाई छात्रवृत्ति उपलब्ध गराउने निर्देशिका २०७१ पनि पारित गरेको छ । अन्तरदेशीय धर्मपुत्र र धर्मपुत्री व्यवस्थापन समितिका अध्यक्षमा महेन्द्र श्रेष्ठ र जडिबुटी उत्पादन तथा प्रशोधन कम्पनी लिमिटेडको सञ्चालक समितिका अध्यक्षमा अर्को व्यवस्था नहुन्जेलका लागि वनस्पति विभागका महानिर्देशक यमबहादुर थापालाई नियुक्त गर्ने निर्णय गरेको सञ्चारमन्त्री रिजालले जानकारी दिए ।
यसैबीच, सरकारले माघी महोत्सव मनाएका थारु कल्याणकारी सभा र नेपाल मगर संघलाई पाँच–पाँच लाख रुपैयाँ दिने निर्णय गरेको छ भने तमु गुरुङ संग्राहालय भवन निर्माणका लागि २५ लाख रुपैयाँ दिने मन्त्रिपरिषद बैठकले निर्णय गरेको छ ।