भूकम्पका कारण रसुवामा सबैभन्दा बढी पहिरो गएको छ । रसुवामा मात्रै १६० वटा पहिरो गएका छन् । त्यस्तै गोरखा जिल्लामा मात्रै भूकम्पका कारण १३५ सुख्खा पहिरो गइसकेका छन् ।

धादिङमा ७७ ठाउँमा पहिरो गएको छ । मनाङमा ४२ ठाउँमा पहिरो लडेको छ । त्यस्तै नुवाकोटमा २३ र सिन्धुपाल्चोकमा ६२ ठाउँमा पहिरो गएको छ ।

मकवानपुर, ललितपुर, ओखलढुंगा र रामेछापमा दुई/दुई वटा पहिरो गएका छन् भने काभ्रे र सोलुखुम्बुमा एक/एक स्थानमा पहिरो लडेको इसिमोडको प्रारम्भिक विश्लेषण छ ।

भूकम्पका कारण म्याग्दीमा ३ वटा र मुस्ताङमा ५ पहिरो गएका छन् भने कास्कीमा ३, लमजुङमा ६, नवलपरासीमा ३ र चितवनमा २ वटा पहिरो गएका छन् ।