कति टाउको अचानो………./ गजल
1337 पटक पढिएको
कति टाउको अचानो, जिब्रो धार बनाए।
आ-आफ्नोबिच आफैलाई दरार बनाए।
नारीलाई लान्छना तर मर्दको दस भन्ने,
यो समाजले पनि अनौठो संकार बनाए।
बाच्नै गाह्रो भैसक्यो देशमा सोझाहरुले,
जनतालाई मौरी र कुर्सीलाई घार बनाए।
झोलामा बाइबल र हातमा मुल्यसुचि छ,
धर्मको नाममा फस्टाउदो ब्यापार बनाए।
हाम्रो देशका नेताहरु असाध्यै बाठा छन्,
गणितीय सुत्र द्वारा दुई तियाँ चार बनाए।
म सानो छदा आँखै अघि मारिए थे कति,
गल्ति बिर्सि नेता उसैलाई बारबार बनाए।
सत्तामा पुगेपछि भत्ताले पुग्दैन खर्च अरे,
भष्टचारीकै कारण देशलाई गद्दार बनाए।
मलाइ प्रवाह छैन कस्ले के गर्दै छ ताकी,
यहि ज्यादती भुल्न सृष्टिमा प्यार बनाए।
-रश्मि रोदन
सिद्धलेक-1, धादिङ
हाल- काठमांडौ
