बंगलादेशको राजधानी ढाकाबाट काठमाडौँका लागि उडेको उक्त विमान त्रिभुवन विमानस्थलमा अवतरणका क्रममा दिउँसो २ बजेर २० मिनेट जाँदा अनियन्त्रित भइ दुर्घटना भएको बताइएको छ।

नेपाल प्रहरीका प्रवक्ता मनोज नेउपानेका अनुसार दुर्घटनाग्रस्त जहाजबाट ३१ जनाको शव निकालिएको छ।सिनामंगलस्थित केएमसी अस्पतालमा ल्याइएकामध्ये ८ जनाको ज्यान गएको छ भने त्रिवि शिक्षण अस्पतालमा १ जनाको मृत्यु भएको पुष्टि भएको नेउपानले जानकारी दिए।

युएस बंग्लाको उक्त क्यानेडियन एयरक्राफ्टमा ३३ नेपाली सहित ६७ जना यात्रु र ४ जना चालक दलका सदस्यहरु सबार रहेको जनाएको छ। विमानस्थलका उद्धार तथा नियन्त्रकहरु द्धारा आगो नियन्त्रण भएको र घाइतेहरुको उपचार भै रहेको विज्ञप्तीमा उल्लेख छ। ६७ यात्रु र चालकदलका चार सदस्य थिए। उक्त विमान ढाकाबाट काठमाडौँ आएको थियो।७१ मध्ये ३७ जना पुरुष र बाँकी महिला तथा बालबालिका भएको विमानस्थलले जनाएको छ ।

दुर्घटनापछि विमानमा आगो लागेको र  विमानस्थलमा ठूलो धुवाँको मुस्लो देखिएको प्रत्यक्षदर्शीले बताएका छन्।