विश्वकप छनोट: ब्राजिल र उरुग्वेको विजयी सुरूआत
142 पटक पढिएको
काठमाडौं । फिफा विश्वकप २०२६ को दक्षिण अमेरिकी छनोटमा ब्राजिल र उरुग्वेले विजयी सुरूआत गरेका छन् । शुक्रबार राति भएको खेलमा ब्राजिलले बोलिभियालाई र उरुग्वेले चिलीलाई पराजित गरेका हुन् ।
ब्राजिलले बोलिभियालाई ५–१ गोल अन्तरले पराजित गरेको हो । ब्राजिलको जितमा नेयमार र रोड्रिगोले समान २/२ तथा राफिन्हाले १ गोल गरे । बोलिभियाका लागि भिक्टोर एब्रेगोले १ गोल फर्काए ।
यस्तै, उरुग्वेले चिलीलाई ३–१ गोल अन्तरले पराजित गरेको छ । उरुग्वेका डेएगो क्रुजले २ तथा फेडरिको डिपेटाले १ गोल गरे । चिलीका लागि भिडालले सान्त्वना गोल फर्काए ।
दक्षिण अमेरिकी छनोटमा १० राष्ट्रको सहभागिता रहेको छ ।
