काठमाडौं। एसियन गेम्स अन्तर्गतको पुरुष भलिबल प्रतियोगिताको पहिलो खेलमा नेपाल बहराइनसँग पराजित भएको छ। आज भएको खेलमा ३–१ सेटले पराजित भएको हो। पहिलो सेट जिते पनि त्यसपछि लगातार ३ सेट हारेपछि नेपालले पहिलो खेलमा नै हार बेहोरेको हो ।

पहिलो सेट २५–२० ले जितेको नेपाल त्यसपछि २०–२५, १८–२५ र १५–२५ ले पछि परेको हो । नेपालले दोस्रो खेल बुधबार इरानसँग खेल्नेछ। इरानसँगको खेल खेल पनि हारेमा नेपाल प्रतियोगिताबाट बाहिरिने छ ।

चीनको हाङझाउमा आउँदो शनिबार एसियन गेम्सको उदघाटन हुने भए पनि भलिबलसहितका केही समूहगत खेल भने त्यसअघि नै सुरु भएका हुन्।