काठमाडौं । आईसीसी यु-१९ विश्वकप क्रिकेट अन्तर्गत सुपर सिक्सको पहिलो खेलमा नेपाल पराजित भएको छ ।

दक्षिण अफ्रिकाको मनगंग ओभलमा भएको खेलमा नेपाल बंगलादेशसँग ५ विकेटले पराजित भएको हो ।

नेपालले जितका लागि दिएको १ सय ७० रनको लक्ष्य बंगलादेशले २५ ओभर २ बलमा ५ विकेट गुमाएर पूरा ग¥यो ।

बंगलादेशका अरिफुल इस्लामले सर्वाधिक ५९ रनको अर्धशतकीय पारी खेले । यस्तै, जिशन आलमले ५५, अशिकुर रहमानले १६, चोधुर मोहम्मद रिजवानले १५ तथा अहरार अमिनेल १२ रन जोडे । नेपालका सुवास भण्डारीले ५ विकेट लिए ।

यसअघि टस जितेर पहिले ब्याटिङ रोजेको नेपालले ४९ ओभर ५ बलमा अलआउट हुँदै १ सय ६९ रन बनाएको थियो । नेपालका लागि विशाल विक्रम केसीले सर्वाधिक ४८ रनको योगदान दिए । यस्तै, देव खनाल ३५, सुवास भण्डारी १८ तथा अर्जुन कुमालले १४ रन जोडे । अन्य खेलाडीले दोहोरो अंक जोड्न सकेनन् ।

बंगलादेशका लागि रोहनत बोर्सोन र शेख जिबोनले ३–३ तथा इकबाल हुसेन, मरुफ म्रिधा र जिशान आलमले १–१ विकेट लिए । सुपर सिक्सको अर्को खेलमा नेपालले शुक्रबार भारतसँग खेल्ने छ ।