काठमाडौं । जोर्डन एएफसी एसियन कप फुटबलको फाइनलमा प्रवेश गरेको छ । मंगलबार साउथ कोरियलाई २–० गोल अन्तरले हराउँदै जोर्डन प्रतियोगिताको फाइनल प्रवेश गरेको हो ।

पहिलो हाफ गोल रहित बराबरीमा सकिएपनि दोस्रो हाफमा जोर्डनले दुई गोल गर्न सफल रह्यो । कोरियाली टिमले जोर्डनविरुद्ध खासै गतिलो आक्रमण बुन्न सकेन । बरु जोर्डनले कोरियाली डिफेन्सलाई दबाबमा राखेको थियो ।

खेलमा अग्रता जोर्डनले ५३ औं मिनेटमा याजन अल नैमतको गोलमा लिएको थियो । ६६ औं मिनेटमा मौसा अल तमारीको गोलमा जोर्डनले अग्रता दोब्बर बनाएको थियो ।

दोस्रो सेमिफाइनलमा बुधबार इरान र कतारले खेल्नेछन् । फाइनल प्रवेश गर्ने टिमले उपाधिका लागि जोर्डनसँग खेल्नेछ ।