काठमाण्डौ – इडियन प्रिमियर लिग (आईपीएल) को आफ्नो पहिलो खेलमा गुजरात टाईटन्सले मुम्बई इण्डियन्सलाई हराएको छ । गएराति भएको खेलमा गुजरातले ६ रनको रोमाञ्चक जित दर्ता गरेको हो । गुजरातले दिएको १ सय ६९ रनको लक्ष्य पछ्याएको मुम्बईले निर्धारित २० ओभरमा ९ विकेट गुमाएर १ सय ६२ रन मात्र बनाउन सक्यो । मुम्बईका लागि डेवाल्ड ब्रेभिसले ३८ बलमा सर्वाधिक ४६ रन बनाए ।

यसअघि हिजो भएको पहिलो खेलमा राजस्थान रोयल्सले लखनऊ सुपर जाएन्ट्सलाई २० रनले हरायो । पहिलो संस्करणको विजेता राजस्थानले  दिएको १ सय ९४ रनको लक्ष्य पछ्याएको लखनऊले निर्धारित २० ओभरमा ६ विकेट गुमाउँदै १ सय ७३ रन मात्र बनाउन सक्यो ।