काठमाडौं । इंग्लीश प्रिमियर लिग फुटबलमा सोमबार राति क्रिष्टल प्यालेसले म्यान्चेस्टर युनाइटेडलाई ४–० ले हराएको छ ।

आफ्नै घरेलु मैदानमा भएको खेलमा क्रिष्टल प्यालेसलाई विजयी गराउन मिचेल ओलीसेले दुई गोल गर्दा जिन फिलिपे माटेटा र टाइरीक मिचेलले एक एक गोल थपे ।

हारसँगै म्यान्चेस्टर युनाइटेडको अर्को वर्ष युरोपियन फुटबल खेल्ने संभावना कमजोर भएको छ । म्यान्चेस्टर युनाईटेड अहिले प्रिमियर लिगको अंक तालिकाको आठौं स्थानमा रहेको छ ।

सातौ स्थानसम्मको टोलीले युएफा कन्फरेन्स लिग खेल्न पाउने व्यवस्था छ । प्रिमियर लिगमा ८३ अंकसहित आर्सनल शिर्ष स्थानमा रहँदा एक खेल कम खेलेको म्यान्चेस्टर सिटी ८२ अंकसहित दोस्रो स्थानमा छ ।