टी–२० विश्वकपमा पाकिस्तान अमेरिकासँग पराजित
92 पटक पढिएको
![](https://dhadingnews.com/wp-content/uploads/2024/06/USA-scaled_final_vNAfBZwIpF.jpg)
एजेन्सी । आईसीसी टी–२० विश्वकप क्रिकेटमा उपाधि दावेदार टेस्ट टोली पाकिस्तान अमेरिकासँग सुपर ओभरमा पराजित भएको छ । डालासको ग्रान्ड पिएरे मैदानमा गएराति भएको खेलमा पाकिस्तान आयोजक अमेरिकासँग सुपर ओभरमा ५ रनले पराजित भएको हो ।
सुपर ओभरमा पहिले ब्याटिङ गरेको अमेरिकाले २० रनको लक्ष्य दिएको थियो । जवाफमा पाकिस्तान १४ रनमा समेटियो । यसअघि पाकिस्तानले दिएको १ सय ६० रनको लक्ष्य पछ्याएको अमेरिकाले निर्धारित २० ओभरमा तीन विकेटको क्षतिमा १ सय ५९ रन जोड्दै खेल सुपर ओभरमा लगेको थियो ।
पहिले ब्याटिङ गरेको पाकिस्तानले निर्धारित २० ओभरमा सात विकेटको क्षतिमा एक सय ५९ रन बनाएको थियो ।
टी–२० विश्वकपमा आज समूह ए का क्यानडा र आयरल्याण्ड खेल्दैछन् । न्युयोर्कमा हुने खेल नेपाली समयअनुसार राति सवा ८ बजे शुरु हुँदैछ ।