धादिङ,१३ कात्तिक २०८१ । मोटरसाईकल चोरी गरेको आरोपमा धादिङको गल्छी बैरेनी घर भई काठमाडौै बाइसधारा बस्ने २४ बर्षिय आकाश तामाङ काठमाडौं महानगरपालिका ३२ पेप्सिकोलाबाट पक्राउ परेका छन् । तामाङलाई चोरीको मोटरसाइकल सहित गएराती ट्राफिक प्रहरीले नियन्त्रणमा लिएको हो ।

काठमाडौं महानगरपालिका १५ बस्ने सुसान बुद्दचार्यले बागमती प्रदेश-०२-०२४ प ६६६८ नम्बरको मोटरसाइकल डल्लु आवासबाट हराएको भनि खोजतलासका लागि काठमाडौं उपत्यका ट्राफिक प्रहरी कार्यालय रामशाहपथमा दिएको निवेदनका आधारमा खोजी गर्ने क्रममा नम्बर परिवर्तन गरी बागमती प्रदेश-०२-०२४ प ६६ नम्बर राखेर मोटर साईकल चलाइरहेको अवस्था तामाङ गएराति २ बजे पेप्सिकोलामा भेटिएपछि प्रहरुीले नियन्त्रणमा लिएको हो ।

आवश्यक अनुसन्धानका लागि तामाङलाई प्रहरी वृत्त स्वयम्भू पठाइएको काठमाडौँ उपत्यका ट्राफिक प्रहरी कार्यालयका प्रवक्ता प्रहरी वरिष्ठ उपरीक्षक उमा प्रसाद चतुर्वेदीले जानकारी दिएका छन्।

सवारी साधन चोरी तथा हराउनबाट रोक्न आफ्नो सवारी साधन सुरक्षित स्थानमा पार्किङ गरी, ह्वील लक, चेन लक, ह्यान्डिल लक, डिस्क लक लगायत सुरक्षा साइरन जडान गर्न साथै मानिसहरूको आवत९जावत नहुने एकान्त स्थानमा पार्किङ नगर्न समेत प्रवक्ता प्रहरी वरिष्ठ उपरीक्षक चतुर्वेदीले अनुरोध गरेका छन्।

सवारी साधन हराएमा ट्राफिक प्रहरीको हटलाईन नम्बर १०३, नेपाल प्रहरीको हटलाइन नम्बर १०० मा फोन गर्न र नजिकको प्रहरी कार्यालयमा निवेदन दिन सकिने छ।