“नियमित चालक तिहारको बिदामा रहनुभएको हुँदा म, सोनाम तामाङले स्वयं उक्त सवारीसाधन चलाएको थिएँ। परिस्थितिजन्य वा अन्य जुनसुकै कारण भए पनि ट्राफिक नियम उल्लङ्घन गर्नु गल्ती हो र त्यसबापत नियमानुसारको कारबाही स्वीकार गर्नुपर्छ भन्नेमा म स्पष्ट छु। सोहीबमोजिम मैले ट्राफिक जरिबाना तिरिसकेको छु। आफ्नो गल्ती स्वीकार गर्दै यहाँहरूसमक्ष क्षमायाचना गर्दछु।

साथै, माननीयज्यू व्यक्तिगत कामका लागि नभई आयोजकको औपचारिक निमन्त्रणामा सार्वजनिक कार्यक्रममा सहभागी हुनुभएको व्यहोरा अवगत गराउन चाहन्छु। सबैमा दीपावली, नेपाल संवत् ११४७ तथा छठ पर्वको हार्दिक मङ्गलमय शुभकामना। नागरिक निगरानीको लागि धन्यवाद।”