आरुवासटारका कृषकलाई तरकारी खेती सम्बन्धी तालिम 

115 पटक पढिएको

प्रकाशित मिति: १६ असार २०७४, शुक्रबार २१:०९

सम्पादक: Dhading News

focash-nepalधादिङ – निर्वाहमुखी तरकारी खेती गर्दै आएका धादिङ जिल्लाको सिद्दलेक गाउँ पालिका वडा नम्बर ४ स्थित आरुवासटारका किसानहरुलाई व्यावसायिक तरकारी खेती सम्बन्धी तालिम दिइएको छ ।

प्राक्टिकल एक्सन काठमाडौंको सहयोगमा फोकस नेपाल धादिङको आयोजनमा तालिम दिइएको हो तालिममा सिद्दलेक ४ नम्बर  वडाका करिव २५ जना किसानहरुको सहभागिता रहेको छ ।

तालिममा सहभागी कृषकलाई प्रयोगात्मक शिक्षासहित तरकारीको बिरुवा उत्पादन, नर्सरी, बिरुवा व्यवस्थापन , टर्नेल खेती , रोगकिराको पहिचान गरी निवारणको उपायलगायतका विषयमा  जानकारी  दिइने प्राक्टिकल एक्सन नेपाल काठमाडौंका धर्म प्रसाद पाण्डेले बताउनु भयो ।

विगतदेखी परम्परागत र निर्वाहमुखि तरकारीखेती उत्पादनमा लागेका सिद्दलेक ४ आरुवासटारका किसानहरूले तालिमपछि   आधुनिक र व्यावसायिक तरकारी उत्पादनमा लाग्ने अपेक्षा गरेका छन् ।

तालिम तरकारी खेती गर्दै आएका किसान युवा र महिलालाई लक्षित गरी सञ्चालन गरिएको फोकस नेपाल धादिङका विनोद छत्कुलीले बताउनु भयो । असार १४ गतेदेखि सुरु भएको तालिम आगामी असार १६ गतेसम्म सञ्चालन हुनेछ ।

तालिमको उद्धघाटन प्रमुख अतिथि एवम् सिद्दलेक गाउँ पालिका वडा नम्बर ४ का वडा अध्यक्ष रामहरि बराकोटीले परम्परागत र निर्वाहमुखी तरकारी खेती गर्दै आएको आरुवासटारका किसानलाई  प्रदान गरिएको तालिमले व्यावसायिक तरकारी उत्पादनमा थप प्रोत्साहन मिल्ने अपेक्षा गरेको बताउनुभयो ।

सिद्दलेक ४ आरुवासटारका कृषकले आगामी दिनमा जिल्लाको तरकारी मागलाई अझ बढी योगदान गर्न सक्ने अपेक्षा गरेको उहाले बताउनुभयो । तालिममा आधुनिक कृषिको महत्व र नेपाल सरकारले कृषि सम्बन्धी दिइने अनुदानको विषयमा जिल्ला कृषि विकास कर्यालय धादिङका कृषि प्रसार अधिकृत रामचन्द्र गौतमले जानकारी दिनुभयो ।


१६ असार २०७४, शुक्रबार २१:०९ मा प्रकाशित

समाचार

सबै

अवैध बालुवा खानी वन्द गर्न धादिङका प्रजिअको निर्देशन

 धादिङ–अवैधानिक रुपमा सञ्चालन भइरहेका बालुवा धुने उद्योग फिरफिरे यन्त्रलाई दिइँदै आएको विद्युत्त तुरुन्त काट्न स्थानीय प्रशासनले विद्युत्त प्राधिकरणलाई निर्देशन दिएको छ । घरायसी प्रयोजन भनेर.....

सुरुङमार्ग निमार्णको ५ स्थानमा सम्भाव्यता अध्ययन

सरकारको १४औं योजनामा प्राथामिकतामा परेको विभिन्न स्थानमार्फत शुरुङमार्ग निमार्ण गर्ने प्रक्रियालाई अघि.....

यी हुन् देउवा सरकारले नियुक्त गरेका सात प्रदेश प्रमुख

नेकपा एमाले र माओवादी केन्द्रलाई बाहिरै राखेर सरकारले प्रदेश प्रमुख तोकेको छ । सात प्रदेश प्रमुख मध्ये नेपाली.....

अमेरिकाको न्यूयोर्कमा डम्फु साँझ, घन्कियो म्हेन्दोमाया

अमेरिका-२८५४ औँ खि सोनम ल्होसारको अवसरमा तामाङ सोसाइटी अफ अमेरिका तामाङ सोसाइटी अफ अमेरिका ( टिएसए ) द्धारा डम्फु.....

साक्षरताको नाममा नाटक मञ्चन ,पूर्ण साक्षर जिल्ला धादिङमा ल्याप्चे नै ल्याप्चे

धादिङ माघ २,  । चार बर्ष अघि धादिङ जिल्लालाई निकै तामझामका साथ पूर्ण साक्षर जिल्ला घोषणा गरियो । साक्षर जिल्ला.....