नुवाकोट घ्याङफेदी दुर्घटना (अपडेट ), २० जनाको मृत्यु-५ जनाको सनाखत

389 पटक पढिएको

प्रकाशित मिति: २९ मंसिर २०७५, शनिबार ०७:४४

सम्पादक: Dhading News

नुवाकोट, २९ मंसिर – नुवाकोट जिल्लाको उत्तरपूर्वी भेगमा पर्ने दुप्चेश्वर गाउँपालिकाको घ्याङफेदीको घ्याङडाँंडामा शुक्रबार बेलुका भएको मिनिट्रक दुर्घटनामा ज्यान गुमाउनेको संख्या २० पुगेको छ । १५ जना घाइतेको विभिन्न अस्पतालमा उपचार भइरहेको बताइएको छ ।
शुक्रबार रातिसम्म १८ जनाको मत्यु भएकोमा उपचारका क्रममा शनिबार बिहान थप दुई जनाको मृत्यु भएको दुप्चेश्वर गाउँपालिकाका अध्यक्ष योविन्द्रसिंह तामाङले जानकारी दिएका छन् ।
मृत्यु भएका मध्ये १७ जना पुरुष र ३ महिला रहेका छन् । हालसम्म ५ जनाको सनाखत भएको छ । सनाखत भएकामा शिखरबेंसीका १६ वर्षीय रितेश पण्डित, घ्याङफेदी सिसिपुका ३५ वर्षीय रिवल तामाङ, ४० वर्षीय आइत तामाङ रहेका छन् । सनाखत भएका अन्य दुई जनामा सिसीपुकै शुक्रमान तामाङ र सेनाम लामा रहेको पनि गाउँपालिका अध्यक्ष तामाङले बताए ।
शुक्रवार रातभरी नै जारी रहेको उद्धार कार्य शनिबार बिहान पनि जारी रहेको प्रहरीले जनाएको छ । दुर्घटनास्थल निकै अप्ठेरो भीरमा रहेको र रातको समयमा उज्यालोको अभाव एवम अत्याधिक चिसोका कारण उद्धारमा कठिनाई भएको जिल्ला प्रहरी कार्यालय नुवाकोटले जनाएको छ ।
नुवाकोटको दुप्चेश्वर गाउँपालिका वडा नं १ को घ्याङफेदीमा शुक्रवार साँझ बा ३ ख ३९१३ नम्बरको मिनिट्रक दुर्घटनामा परेको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२९ मंसिर २०७५, शनिबार ०७:४४ मा प्रकाशित

समाचार

सबै

नागढुङ्गा–मुग्लिन सडक ६ लेनको बनाईदै

काठमाडौं । देशका ६७ जिल्लाबाट राजधानी प्रवेश गर्ने र राजधानीबाट वाहिरिने यात्रुले प्रयोग गर्ने नागढुंगा–मुग्लिन सडक खण्डको अव विस्तार गरिने भएको छ । अहिले दुई लेनमा रहेको सडकलाई अब ६ लेनसम्म विस्तार.....

नागढुंगा सुरुङमार्गको प्रधानमन्त्रीबाट आज शिलान्यास हुने

काठमाडौं - बहुचर्चित नागढुंगा सुरुङमार्गको शिलान्यास हुने भएको छ । राजधानी प्रवेश गर्ने मुख्य सडक मार्ग नौविसे.....

अष्ट्रियाका नागरिक सोमदाङमा मृत भेटिए

केशव अधिकारी धादिङ,३ कात्तिक - धादिङको रुबिभ्याली गाउँपालिका वडा नम्बर १ सोमदाङमा एक विदेशि नागरिक मृत अवस्थामा.....

बुढीगण्डकी आयोजनाको बाँकी मुआव्जा छिट्टै आउने

काठमाडौं । बुढीगण्डकी जलविद्युत परियोजनाको जग्गाको मुआब्जा निर्धारणमा भएको ढिलाईलाई अन्त्य गर्न सरोकारवाला.....

नौविसे सडकबोर्डको ढाँटमा कुकर बम, सेनाद्धारा निष्क्रिय

धादिङ, ३ कात्तिक - धादिङको धुनिबेसी नगरपालिकामा पर्ने पृथ्वीराजमार्गको चालिसे स्थित सडक बोर्डको ढाँटमा आईतबार.....

Categories