चरेश बनाउने पाउडर सहित गजुरी बाट दुई जना पक्राउ

279 पटक पढिएको

प्रकाशित मिति: २ फाल्गुन २०७५, बिहीबार १८:०१

सम्पादक: Dhading News

 

 

धादिङ, २ फागुन  – धादिङको गजुरी गाउँपालिका वडा नम्बर ५ देउरालीबाट प्रतिबन्धीत लागु औषध चरेस बनाउन प्रयोग गरिने ९ किलोग्राम पाउडर सहित बिहीवार दुई जना पक्राउ परेका छन । पक्राउ परेका व्यक्तिले चढेर आएको मोटरसाइकल पनि प्रहरीले नियन्त्रणमा लिएको छ ।
लागु औषध चरेस तथा गाँजा नियन्त्रणका लागि बिशेष अभियान संचालन गर्दै आएको धादिङको प्रहरीले विशेष  सुराकीको आधारमा उनिहरुलाई पक्राउ गरेको हो ।  मोटरसाईकलमा आएका दुई युवा माथि शंका लागेर खानतलासी गर्दा  उनिहरुको साथबाट प्रतिबन्धीत लागु औषध चरेस बनाउन प्रयोग गरिने ९ किलोग्राम पाउडर भेटिएपछि पक्राउ गरिएको जिल्ला प्रहरी कार्यालय धादिङका सूचना अधिकारी प्रहरी नायब उपरिक्षक प्रकाश विष्टले बताए ।
बा २५ प ५२९३ नम्बरको पल्सर मोटरसाइकलमा पृथ्वीराजमार्गबाट गाउँतर्फ जांदै गरेको अवस्थामा बेनिघाट रोराङ गाउँपालिका वडा नम्बर १ सुन्दरनांगीका ३५ वर्षीय विकास तामाङ र सोही स्थानका मोटरसाइकल चालक २१ वर्षीय मनिस लामालाई प्रहरीले लागु औषध वनाउने धुलो र मोटरसाइकल सहित पक्राउ गरेको हो ।
पक्राउ गरिएकादुबै जनालाई लागु औषध नियन्त्रण सम्बन्धी ऐन अनुसार मुद्दा चलाइने प्रहरीले जानकारी दिएको छ । यस अघि माघ २७ गते धादिङको गजुरी नजिकैबाट ३ सय ६० किलो चरेशसहित ३ जनालाई प्रहरीले पक्राउ गरेको थियो ।
तस्बिर सौजन्य – इलाका प्रहरी कार्यालय गजुरी


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२ फाल्गुन २०७५, बिहीबार १८:०१ मा प्रकाशित

समाचार

सबै

गल्छीबाट हेटौंडा जोड्ने छोटो सडकको खोजि

केशव अधिकारी  धादिङ- नुवाकोट र रसुवा जिल्लाबाट बागमती प्रदेश राजधानी हेटौंडा जोड्ने छोटो दुरीको सडक निर्माणका लागि प्रारम्भिक सर्वेक्षण गरिएको छ । वैकल्पिक राजमार्गको रुपमा समेत ल्याउन सकिनेगरी पहिचान.....

शुक्रवार देखि धादिङबेसीमा सातौँ धादिङ महोत्सव शुरु

धादिङ, -शुक्रवार देखि धादिङको सदरमुकाम धादिङबेसीमा सातौँ धादिङ महोत्सव शुरु भएको छ । शुक्रवार देखि.....

चाम्बासमा दुर्घटना, नायिका महिमा सिलवालको मृत्यु

धादिङ- बुधबार साँझ धादिङको गजुरी गाउँपालिका वडा नम्बर २ चाम्बास स्थित पृथ्वीराजमार्गमा भएको दुर्घटनामा परि .....

शुक्रवार देखि धादिङबेसीमा सातौं धादिङ महोत्सव

धादिङबेसी- सातौं धादिङ महोत्सव फागुन २ गते शुक्रवार देखि धादिङबेसीमा शुरु हुंदैछ । धादिङ उद्योग वाणिज्य संघको.....

रुबीभ्याली र गंगाजमुना सन २०२२ भित्र सफा गाउँ हुने

धादिङ- धादिङको उत्तरी भेगमा पर्ने रुबीभ्याली गाउँपालिकाले सन २०२१ भित्र र गंगाजमुना गाउँपालिकाले सन् २०२२.....

Categories