धादिङबेसी । बागमती प्रदेश सरकार, मुख्यमन्त्री तथा मन्त्रिपरिषद्को कार्यालयको २०८३ असोज ३० गतेको निर्णयअनुसार प्रदेशभित्रका विभिन्न स्थानीय तहमा कार्यरत कर्मचारीहरूको अन्तर स्थानीय तह सरुवा भएको छ। कार्यालयको प्रशासनिक निर्णयअनुसार कुल ४५ जना कर्मचारीहरूको सरुवा सूची स्वीकृत भएकोमा धादिङ जिल्लासँग सम्बन्धित मात्रै १२ जना कर्मचारी रहेका छन्।

प्रदेश सरकारले प्रशासनिक आवश्यकता र स्थानीय तहको मागलाई ध्यानमा राख्दै गरेको यस सरुवामा धादिङ जिल्लालाई प्रमुख प्राथमिकताका साथ समेटेको छ। धादिङका विभिन्न पालिकाबाट अन्य जिल्लाका स्थानीय तहमा १० जना कर्मचारी सरुवा भई गएका छन् भने अन्य जिल्लाबाट धादिङमा १ जना सरुवा भई आएका छन्। यस्तै धादिङ जिल्लाभित्रै एक पालिकाबाट अर्को पालिकामा १ जनाको सरुवा भएको छ।

मुख्यमन्त्री तथा मन्त्रिपरिषद्को कार्यालयबाट स्वीकृत विवरणअनुसार जिल्लागत रूपमा सरुवा हुने कर्मचारीहरूको विवरण यस प्रकार रहेको छ:

धादिङ जिल्ला : धादिङ जिल्लाबाट अन्यत्र सरुवा भई जाने कर्मचारीहरूमा सिद्धलेक गाउँपालिकाका अधिकृत अनिल दुवाडी (चन्द्रागिरि नगरपालिका, काठमाडौँ), गजुरी गाउँपालिकाकी सि.अ.न.मी. अमृता पौडेल (नागार्जुन नगरपालिका, काठमाडौँ), गल्छी गाउँपालिकाका सब-इन्जिनियर दैनिक बस्नेत (चन्द्रागिरि नगरपालिका, काठमाडौँ), नीलकण्ठ नगरपालिकाका सब-इन्जिनियर धर्मराज गौतम (भरतपुर महानगरपालिका, चितवन), थाक्रे गाउँपालिकाकी जनस्वास्थ्य निरीक्षक पार्वती कुमारी बस्नेत (इन्द्रासरोबर गाउँपालिका, मकवानपुर), र गजुरी गाउँपालिकाकी सि.अ.न.मी. रञ्जना श्रेष्ठ (चन्द्रागिरि नगरपालिका, काठमाडौँ) रहेका छन्। यसैगरी गल्छी गाउँपालिकाका वरिष्ठ इन्जिनियर राम प्रसाद पौडेल (बागमती गाउँपालिका, ललितपुर), रुवी भ्याली गाउँपालिकाका अधिकृत विशाल बस्याल (ललितपुर महानगरपालिका, ललितपुर), बेनीघाट रोराङ गाउँपालिकाकी प्राविधिक सहायक अम्बिका कार्की खनाल (खैरहनी नगरपालिका, चितवन), तथा बेनीघाट रोराङ गाउँपालिकाकी प्राविधिक सहायक सन्ध्या तिवारी (चन्द्रागिरि नगरपालिका, काठमाडौँ) सरुवा भई गएका छन्।

यता अन्य जिल्लाबाट धादिङ भित्रिनेमा दोलखाको बैतेश्वर गाउँपालिकाबाट गजुरी गाउँपालिकामा अ.हे.ब. संदीप कुमार चौधरी सरुवा भई आएका छन्। साथै, धादिङ जिल्लाभित्रै नेत्रावती डवजोङ गाउँपालिकाका सहायक इन्जिनियर राज कुमार श्रेष्ठको नीलकण्ठ नगरपालिकामा सरुवा भएको छ।

नुवाकोट जिल्ला: नुवाकोट जिल्लाका विभिन्‍न पालिकाबाट अन्यत्र सरुवा हुने तथा बाहिरबाट नुवाकोट भित्रिने गरी कुल ८ जना कर्मचारीको हेरफेर भएको छ। जसमा ककनी गाउँपालिकाका अधिकृत खेमचन्द्र भण्डारी (ललितपुर महानगरपालिका), म्यागङ गाउँपालिकाकी सि.अ.न.मी. बिपा तामाङ (शिवपुरी गाउँपालिका, नुवाकोट), म्यागङ गाउँपालिकाकै अ.हे.ब. पदम बहादुर थापा (विदुर नगरपालिका, नुवाकोट), किस्पाङ गाउँपालिकाकी सि.अ.न.मी. मिना राई (फिक्कल गाउँपालिका, सिन्धुली), बेलकोटगढी नगरपालिकाका वरिष्ठ शाखा अधिकृत एकनाथ बजगाईं (भुम्लु गाउँपालिका, काभ्रे), पञ्चकन्या गाउँपालिकाका सहायक राम प्रसाद खनाल (भरतपुर महानगरपालिका, चितवन), तारकेश्वर गाउँपालिकाका सब-इन्जिनियर विकास लेप्चा (ककनी गाउँपालिका, नुवाकोट) र पञ्चकन्या गाउँपालिकाकी वरिष्ठ सहायक रोशनी पराजुली (दक्षिणकाली नगरपालिका, काठमाडौँ) रहेका छन्।

काभ्रेपलाञ्चोक जिल्ला: काभ्रेपलाञ्चोक जिल्लाबाट ६ जना कर्मचारीको सरुवा व्यवस्थापन भएको छ। जसमा पनौती नगरपालिकाकी मेडिकल अधिकृत डा. सम्झना शर्मा (गोदावरी नगरपालिका, ललितपुर), रोशी गाउँपालिकाका वरिष्ठ लेखा अधिकृत दण्डपाणी पौडेल (मन्चली गाउँपालिका, रामेछाप), तेमाल गाउँपालिकाकी वरिष्ठ महिला विकास सहायक दिपा नेपाली (शिवपुरी गाउँपालिका, नुवाकोट), संगम भुजेल (सूर्यविनायक नगरपालिका, भक्तपुर), चौरीदेउराली गाउँपालिकाका अ.हे.ब. रुपेश कुमार साह (मन्चली गाउँपालिका, रामेछाप) र रोशी गाउँपालिकाका सहायक लेखा अधिकृत विक्रम बस्नेत (भरतपुर महानगरपालिका, चितवन) रहेका छन्।

सिन्धुपाल्चोक जिल्ला: सिन्धुपाल्चोक जिल्लासँग सम्बन्धित ६ जना कर्मचारीको अन्तर स्थानीय तह सरुवा भएको छ। जसमा लिसंखु पाखर गाउँपालिकाका अ.हे.ब. अजय कुमार ठाकुर (खैरहनी नगरपालिका, चितवन), मेलम्ची नगरपालिकाकी सि.अ.न.मी. लाक्टु शेर्पा (गोकर्णेश्वर नगरपालिका, काठमाडौँ), त्रिपुरासुन्दरी गाउँपालिकाका सब-इन्जिनियर रामहरी थापा (बाह्रबिसे नगरपालिका, सिन्धुपाल्चोक), चौतारा साँगाचोकगढी नगरपालिकाका हे.अ. सविन श्रेष्ठ (चाँगुनारायण नगरपालिका, भक्तपुर), इन्द्रावती गाउँपालिकाकी स्टाफ नर्स सूचना अधिकारी (सूर्यविनायक नगरपालिका, भक्तपुर) र जुगल गाउँपालिकाका वरिष्ठ लेखा अधिकृत विनोद राज खनाल (गोगुलगंगा गाउँपालिका, रामेछाप) रहेका छन्।

रामेछाप जिल्ला: रामेछाप जिल्लाका विभिन्‍न पालिकामा कार्यरत ४ जना कर्मचारीको सरुवा भएको छ। जसमा लिक्खु तामाकोशी गाउँपालिकाकी सहायक महिला विकास निरीक्षक कमला कुमारी खत्री (सूर्यगढी गाउँपालिका, नुवाकोट), खाँडादेवी गाउँपालिकाका सहायक हरेकृष्ण यादव (मरिण गाउँपालिका, सिन्धुली), गोकुलगंगा गाउँपालिकाका वरिष्ठ लेखा अधिकृत विनोद राज खनाल र मन्थली गाउँपालिकाका कर्मचारीहरू रहेका छन्।

चितवन जिल्ला: चितवन जिल्लासँग सम्बन्धित ३ जना कर्मचारीको सरुवा विवरण सूचीकृत छ। जसमा माडी नगरपालिकाका सब-इन्जिनियर रोहन चौधरी (भरतपुर महानगरपालिका, चितवन), भरतपुर महानगरपालिकाका अधिकृत सन्तोष दाहाल (सूर्यविनायक नगरपालिका, भक्तपुर) र खैरहनी नगरपालिकाका अधिकृत संजय सापकोटा (भरतपुर महानगरपालिका, चितवन) रहेका छन्।

मकवानपुर जिल्ला: मकवानपुर जिल्लाका विभिन्‍न पालिकाबाट ३ जना कर्मचारीको सरुवा भएको छ। जसमा मकवानपुरगढी गाउँपालिकाका सहायक उमा दाहाल (ललितपुर महानगरपालिका, ललितपुर), हेटौंडा उपमहानगरपालिकाका सब-इन्जिनियर सरु खोटेजा (गोकर्णेश्वर नगरपालिका, काठमाडौँ) र मकवानपुरगढी गाउँपालिकाका पशु स्वास्थ्य प्राविधिक रबिन श्रेष्ठ (रत्ननगर नगरपालिका, चितवन) रहेका छन्।

सिन्धुली जिल्ला: सिन्धुली जिल्लाका २ जना कर्मचारीको सरुवा मिलाइएको छ। जसमा गोलन्जोर गाउँपालिकाका सहायक भिम बहादुर श्रेष्ठ (कमलामाई नगरपालिका, सिन्धुली) र कमलामाई नगरपालिकाका अधिकृत मन्दिरा राउत (कागेश्वरी मनोहरा नगरपालिका, काठमाडौँ) रहेका छन्।

रसुवा जिल्ला: रसुवा जिल्लाको नौकुण्ड गाउँपालिकाका सहायक लेखा अधिकृत नारायणी भण्डारी (नागार्जुन नगरपालिका, काठमाडौँ) १ जनाको सरुवा भएको छ।

प्रदेश सरकार, मुख्यमन्त्री तथा मन्त्रिपरिषद्को कार्यालयले स्थानीय तहका कर्मचारीहरूको प्रशासनिक सुदृढीकरण तथा कामकाजलाई प्रभावकारी बनाउन यो निर्णय स्वीकृत गरी कार्यान्वयनका लागि पठाएको छ।