जागौं उठौं सङ्घर्षमा पिडित भै बस्नु हुन्न

यो समाजमा हामी सधैँ दलित भै बस्नु हुन्न

छुवाछुत भेदभाव कलंक हो मानवतामा

भाग्य सम्झी भित्रभित्रै कुण्ठित भै बस्नु हुन्न

चिनारी हो सिप हाम्रो कर्म गर्ने जाँगर छ

संकुचित घेराभित्र सीमित भै बस्नु हुन्न

शिक्षा स्वस्थ समानता नैसर्गिक हक हाम्रो

अस्तित्वको लडाइँमा थकित भै बस्नु हुन्न

मित्र शक्ति शत्रु को हो ? चिनौं युग बदल्नुछ

रुढिवादी व्यवस्थामा हर्षित भै बस्नु हुन्न

दलवीर सिंह बराइली ‘घायल’

गुप्तेश्वर-३,रामेछाप

हाल:अबुधाबी,युएई