मन्द गतिमा बैरेनी–गल्छी सहरको विकास 

732 पटक पढिएको

प्रकाशित मिति: २ कार्तिक २०७४, बिहीबार १७:५७

सम्पादक: Dhading News

गल्छी: पृथ्वीराजमार्गमा पर्ने प्रस्तावित बैरेनी–गल्छी नयाँ सहर नुवाकोट र रसुवा जाने मुख्य मार्ग हो ।  २०६७ सालमा यहाँ नयाँ सहर बनाउन सुरु भए पनि अपेक्षित काम हुन सकेको छैन । नयाँ सहरी विकास आयोजनाले २०९० सम्ममा एक लाख मानिस अटाउने भौतिक पूर्वाधार बनाउने लक्ष्य लिएको छ । यसको खर्च ३ अर्ब रुपैयाँ हुने अनुमान छ ।
हालसम्म पूर्वाधार विकासअन्तर्गत १४ किमि सडक निर्माण तथा स्तरोन्नति भइसकेको छ । गल्छीदेखि बैरेनीसम्म पाँच समय मिटर फुटपाथ निर्माण भएको छ । भर्खरमात्र एक करोड ६० लाख लागतमा १६० वटा सोलार सडक बत्ती जडान सकिएको छ । गल्छी बजारमा १५० परिवारलाई खानेपानी आयोजना सम्पन्न गरेको आयोजना प्रमुख तथा सहरी विकास तथा भवन निर्माण डिभिजन कार्यालय प्रमुख दिलीपकुमार भण्डारीले बताए ।
यसैगरी डल्टारमा तरकारी तथा फलफूल संकलन केन्द्र निर्माण, अम्लेश्वर मन्दिर स्तरोन्नति, अम्लेश्वर मन्दिर परिसरमा एकीकृत सहरी सेवा केन्द्र र बाल उद्यान निर्माण सम्पन्न भएको प्रमुख भण्डारीले बताए । सहरी विकास तथा भवन निर्माण केन्द्रीय समन्वय कार्यालयले एकीकृत विकास योजना बनाइरहेको छ । मासटार जग्गा विकास कार्यक्रमको अवधारणा योजना स्वीकृत भइसकेको र डिजाइनको काम भइरहेको प्रमुख भण्डारीले बताए ।
तर, सहर बसाउने काम सुस्त  भएको स्थानीयबासी आरोपित गर्छन् । नयाँ शहरी विकास आयोजनाले काम गर्न नसकेको प्रस्तावित उनीहरुले आरोप लगाए । गल्छी गाँउपालिकाकी उपाध्यक्ष राधा तिमिल्सिनाले आयोजनाले गाउँपालिकासँग समन्वय नगर्दा योजना सञ्चालन गर्न समेत अफ्ठयारो परेको बताउँछिन् । उनी भन्छिन्, सहरी आयोजनाका योजना तर्जुमा तथा कार्यक्रम कार्यान्वयनमा गाँउपालिकाको भूमिका खोजिरहेकाछौं ।
जिल्ला समन्वय समितिका प्रमुख जगन्नाथ नेपाल पछिल्लो समय भारत र चीन जोड्ने छोटो बाटोको रुपमा ठोरी–रसुवागढी अन्तर्राष्ट्रिय सडक निर्माण गर्न पहल भइरहेको जानकारी दिए । गाँउपालिका र नगर विकास समितिले सिफारिस गरेको कामहरू पनि आयोजनाबाट हुन्छ । तर आयोजना स्वतन्त्र हन्छ, नगर विकास समिति मातहत होइन प्रमुख भण्डारीले बताए ।
गल्छी गाँउपालिका–४ मासटारमा करिब आठ सय रोपनी जग्गा एकीकृत गरी नक्शांकन गर्ने, सडक, विद्युत् पोलिङ गर्ने र जसको जग्गा उसैलाई फिर्ता गरिने छ । त्यसो गर्दा नमुना बस्ती विकास हुनेछ । सहरभित्र खेल मैदान, फोहोर व्यवस्थापन केन्द्र, सडक निर्माण र खानेपानी आपूर्ति व्यवस्थालाई सहरी मापदण्डअनुसार बनाइने र यी सबै काम गर्दा करिब ३ अर्ब खर्च हुने हनुमान गरिएको प्रमुख भण्डारीले बताए ।
आयोजनाको काम झारा टार्ने किसिमको भएको वैरेनी गल्छी नगर विकास समितिका अध्यक्ष रामकुमार कार्कीले आरोप लगाए । माटोमा सिमेन्ट मुस्ने, सिमेन्टको काम गरेपछि पानी नहाल्ने र काम पनि समय सीमाभित्र सम्पन्न नगरेको अध्यक्ष कार्कीले बताए । यही गति र प्रक्रियामा काम भइरहे नयाँ सहर विकास आयोजना अलपत्र पर्न सक्छ, उनले भने कारोवार डेली डट कममा खबर छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२ कार्तिक २०७४, बिहीबार १७:५७ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सांसद भूमी त्रिपाठीद्वारा स्थानीय पूर्वाधार विकास साझेदारी कार्यक्रम सार्वजनिक

धादिङ । धादिङ जिल्ला निर्वाचन क्षेत्र नं १ का प्रतिनिधिसभा सदस्य भूमी त्रिपाठीले आर्थिक वर्ष २०७७/७८को स्थानीय पूर्वाधार विकास साझेदारी कार्यक्रम अन्तर्गत छनोट भएका योजना र बिनियोजित बजेट सार्वजनिक गर्नु.....

बूढीगण्डकी क्षेत्रका प्रभावित घरगोठको मुआब्जा माग्दै धर्नामा

धादिङ : राष्ट्रिय गौरवको आयोजनाको रुपमा चर्चा पाएपनि निर्माण कसरी हुने भन्ने बिषयमा गर्ने भन्ने टुंगो लाग्न.....

धादिङका पाँच स्थानीय तहमा अस्पताल शिलान्यास

धादिङ, १५ मंसिर । धादिङको पाँच वटा स्थानीय तहमा एकैदिन ५ वटा अस्पतालको शिलान्यास भएको छ । गुणस्तरीय आधारभूत.....

गोलभेँडाको दोब्बर मूल्य पाउँदा गौँथलेका किसान दङ्ग

नारायण ढुङ्गाना / (रासस) धादिङ : गत वर्ष उत्पादन कम र भाउ न्यून हुँदा धादिङ जिल्लाको सिद्धलेख गाउँपालिका वडा.....

नाबालिका बलात्कारको अभियोगमा त्रिपुरासुन्दरीका प्रकाश पक्राउ

पोखरा - नाबालिका बलात्कार गरेको अभियोगमा एक युवक पक्राउ परेका छन् । पक्राउ पर्नेमा धादिङ त्रिपुरासुन्दरी.....

Categories