logo-768x225

असारभित्रै तुइनमुक्त मुलुक

43 पटक पढिएको

प्रकाशित मिति: १३ पुष २०७४, बिहीबार २०:३१

सम्पादक: Dhading News

 

काठमाडौं-चालू आर्थिक वर्षभित्रमा मुलुक तुइनमुक्त हुने भएको छ । संघीय मामिला तथा स्थानीय विकास मन्त्रालयअन्तर्गत स्थानीय पूर्वाधार विकास तथा कृषि सडक विभाग (डोलिडार)ले चालू आर्थिक वर्षभित्र मुलुक तुइनमुक्त हुने बताएको राजधानी दैनिकमा खबर छ ।

tuin-bridge-768x576डोलिडारका अनुसार हाल देशभरका तुइन विस्थापित गरी झोलुंगे पुल निर्माण गर्ने कार्य तीव्र गतिमा भइरहेको ‘देशभरि कुल १ सय ४८ वटा तुइन विस्थापित गरी झोलुङगे पुल बनाउनुपर्छ भनेर पहिचान भयो र काम थाल्यौं,’ डोलिडारका महानिर्देशक जीवनकुमार श्रेष्ठले भने, ‘गत आर्थिक वर्ष ६२ वटा झोलुंगे पुल बनाइसकेका छौं । चालू आर्थिक वर्षको चार महिनाको अवधिमा थप १० वटा बनाइसकेका छौं, ७४ वटा यही वर्षभित्र सम्पन्न गर्नेछौं ।’ श्रेष्ठका अनुसार दुईवटा झोलुंगे पुल भने लामो दुरीका भएकाले थप एक वर्ष लाग्नेछ ।

 तुइन विस्थापित गरी झोलुंगे पुल

 ७२ वटा तुइन विस्थापित भइसके

 ७४ वटा झोलुंगे पुल यसै वर्ष

४ सय मिटरभन्दा लामो दुरीको झोलुंगे पुललाई डोलिडारले ‘मल्टी स्पान’ पुल भन्ने गरेको छ । मल्टी स्पान पुल निर्माण जटिल हुने र थप समय लाग्ने बताइएको छ ।

एमाले अध्यक्ष केपी शर्मा ओलीले दुई वर्षअघि प्रधानमन्त्री हुँदा मुलुकलाई तुइनमुक्त बनाउने घोषणा गरेका थिए । पहिलोपटक प्रधानमन्त्री भएका ओलीको पहिलो निर्णय नै तुइनमुक्त बनाउने रहेको थियो । उनले २५ असोज २०७२ मा दुई वर्षभित्र देशलाई तुइनमुक्त बनाउने निर्णय गरेका थिए ।

महानिर्देशक श्रेष्ठका अनुसार मुलुकलाई तुइनमुक्त बनाउनका लागि सुरुमा १ सय ७८ वटा तुइन पहिचान गरिएको थियो । तर ३० वटा तुइन भने निजी कम्पनी, संस्था वा व्यक्तिले व्यक्तिगत प्रयोजनका लागि निर्माण गरेको पाइएको थियो ।

निजी कम्पनीले नदी वा खोलामा ढुंगालगायत सामग्री वारिपारि ओसार्नका लागि तुइन बनाउने गरेको श्रेष्ठले बताए ।दुर्गम क्षेत्रमा मानिस हिँड्नका लागि बनाइएका सार्वजनिक तुइन पहिचान गरी सो स्थानमा मात्रै झोलुंगे पुल निर्माण गर्ने कार्यक्रम राखिएको श्रेष्ठले बताए ।

‘हामीले विस्थापित गर्नुपर्ने भनेर पहिचान गरेको तुइन जम्मा १ सय ४८ वटा मात्रै हुन्,’ श्रेष्ठले  भने, ‘त्यसमध्ये दुईवटा मल्टी स्पानबाहेक सबै पुल यस वर्ष बनिसक्नेछन् । कसैले फेरि तुइन राखेर तुइनको संख्या थपियो भने त्यो प्रक्रियाचाहिँ १०औं वर्ष पनि चल्न सक्छ ।’


१३ पुष २०७४, बिहीबार २०:३१ मा प्रकाशित

समाचार

सबै

अवैध बालुवा खानी वन्द गर्न धादिङका प्रजिअको निर्देशन

 धादिङ–अवैधानिक रुपमा सञ्चालन भइरहेका बालुवा धुने उद्योग फिरफिरे यन्त्रलाई दिइँदै आएको विद्युत्त तुरुन्त काट्न स्थानीय प्रशासनले विद्युत्त प्राधिकरणलाई निर्देशन दिएको छ । घरायसी प्रयोजन भनेर.....

सुरुङमार्ग निमार्णको ५ स्थानमा सम्भाव्यता अध्ययन

सरकारको १४औं योजनामा प्राथामिकतामा परेको विभिन्न स्थानमार्फत शुरुङमार्ग निमार्ण गर्ने प्रक्रियालाई अघि.....

यी हुन् देउवा सरकारले नियुक्त गरेका सात प्रदेश प्रमुख

नेकपा एमाले र माओवादी केन्द्रलाई बाहिरै राखेर सरकारले प्रदेश प्रमुख तोकेको छ । सात प्रदेश प्रमुख मध्ये नेपाली.....

अमेरिकाको न्यूयोर्कमा डम्फु साँझ, घन्कियो म्हेन्दोमाया

अमेरिका-२८५४ औँ खि सोनम ल्होसारको अवसरमा तामाङ सोसाइटी अफ अमेरिका तामाङ सोसाइटी अफ अमेरिका ( टिएसए ) द्धारा डम्फु.....

साक्षरताको नाममा नाटक मञ्चन ,पूर्ण साक्षर जिल्ला धादिङमा ल्याप्चे नै ल्याप्चे

धादिङ माघ २,  । चार बर्ष अघि धादिङ जिल्लालाई निकै तामझामका साथ पूर्ण साक्षर जिल्ला घोषणा गरियो । साक्षर जिल्ला.....