सुत्केरीलाई भ्यागुता खुवाउँदा तागत लाग्ने जनविश्वास

151 पटक पढिएको

प्रकाशित मिति: २६ असार २०७०, बुधबार ०८:३४

सम्पादक: Dhadingnews.com

 

 

धादिङ – सुत्केरीको स्वास्थ्य बिग्रन नदिन तागतिला खानेकुराको रुपमा भ्यागुता खुवाइन्छ भन्ने सुन्दा अनौठो लाग्न सक्छ ।

धेरैका लागि अनौठो भएपनि भ्यागुतो प्रजातिको पाहा औषधि हुने जनविश्वासका कारण धादिङको उत्तरी क्षेत्रको विकट गाउँका वासिन्दा यतिवेला पाहाको खोजीमा निस्किएका छन ।

भ्यागुता भन्दा केहि  लामो हुने पाहाको मासु खाँदा ज्यान तथा ढाड दुखेको, मर्केको, भाँचिएर लामो समयसम्म उपचार गराउँदा पनि निको नभएकाहरुको लागि उपयोगी हुनुका साथै सुत्केरीलाई खुवाउँदा तागत लाग्ने जनविश्वासका कारण बर्षा लाग्ना साथ गाउँलेहरु पाहाको खोजीमा निस्कने गर्दछन ।

बर्षायाममा मात्र खोला, कुवा र खोल्सीहरुमा प्रशस्त पाइने पाहा मानादेखि पाथीमा भरेर बिक्री हुने गरेको लापा गाविस वडा नम्बर २ का ५४ वर्षका पुसरु तामाङले वताउनुभयो । तामाङ भाषामा प्येङ, लुपिङ, सपिङ, मैपेङ भनिने विभिन्न प्रजातिका पाहा बर्षायाममा मात्र भेटिने गर्दछ । पाहाको छाला र आन्द्राभुडी फ्याँकेर बाँकी भागको सुप वनाएर, राम्रोसंग भुटेर वा स्वाद अनुसार मासुको परिकारका रुपमा खान सकिने उहाँ बताउनुहुन्छ ।

भ्यागुतोको रुपसँग मिल्ने भएपनि पाहा फरक किसिमको हुने भएकाले यस्को खोजीका लागि बर्षा लागेपछि खोला र खोल्सीको किनारमा मानिसहरुको भिड लाग्ने गरेको लापाका जंगवहादुर तामाङले वताउनुभयो ।

ठुलो खाले पाहाको एउटाको १ सय रुपैयाँसम्म पर्ने गाउँलेहरुले बताउँछन । धादिङको सबै भागमा पाहा भेटिए पनि तिप्लिङ गाविसको लेकमा भेटिने पाहा भने निकै महत्वपूर्ण हुने गाउँलेहरुको विश्वास छ ।

चिनियांहरुले पनि पाहालाई औषधिको रुपमा खाने गरेको पाईएकाले हिमाली भेगका वासिन्दाले मासुको परिकार वनाएर पाहा खाने गरेको पुसरुले वताउनुभयो । पुसरुका अनुसार केही पाहा आधा किलोको सम्म हुने गर्दछन् ।

बर्षा लागेपछि खोलाको किनार र पाखा तिर बग्रेल्ति भेटिए पनि लेकमा पाइने पाहामात्र खानयोग्य हुने गरेको  पुसरुको भनाई छ ।  बर्षको एक पटक मात्र पाइने भएकाले घरमा हात खुट्टा भांचिएका, मर्केका विरामी र सुत्केरी भएका परिवारका सदस्यहरु पाहाको खोजीमा जाने गरेको स्थानीयबासिन्दाले बताएका छन् ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२६ असार २०७०, बुधबार ०८:३४ मा प्रकाशित

समाचार

सबै

प्रहरी उपरीक्षक राजकुमार बैदवारको धादिङबाट विदाई

धादिङ- गएको एघार महिना देखि जिल्ला प्रहरी कार्यालय धादिङको कार्यालय प्रमुखको रुपमा कार्यरत प्रहरी उपरिक्षक (एसपि)राजकुमार बैदवारलाई विहिबार धादिङबाट विदाई गरिएको छ । जिल्लामा कार्यरत रहँदा जिल्लाको.....

सुनखानीमा बोलेरो जिप दुर्घटना १२ जना घाईते

धादिङ, २६ मंसिर - सदरमुकाम धादिङबेसीबाट ज्वालामुखी गाउँपालिकाको ढोलातर्फ जाँदै गरेको बोलेरो जिप दुर्घटना भएको.....

नागढुङ्गा-सिस्नेखोला सुरुङमार्ग निर्माणको तयारी शुरु

 काठमाडौँ। काठमाडौँ भित्रने सहज मार्गका रुपमा हेरिएको नागढुङ्गा–सिस्नेखोला सुरुङमार्ग निर्माणको तयारी शुरु.....

साङकोष माविका शिक्षक नविन श्रेष्ठले किन थाम्न सकेनन आँसु ?

धादिङ– मेरो नाम नविन श्रेष्ठ हो । नीलकण्ठ नगरपालिका वडा नम्बर १२ मा रहेको साङकोष माविमा शिक्षक पदमा कार्यरत छु ।.....

बूढीगण्डकी प्रभावित आरुघाटबासीको आन्दोलन स्थगित

धादिङ, २२ मंसिर - प्रस्तावित १२ सय मेगावाटको बूढीगण्डकी जलबिद्युत्त आयोजनाको डुवान क्षेत्रमा पर्ने जग्गाको.....

Categories