गैरीगाउँमा न्वारनको भोजखाँदा ५० जना बिरामी

1096 पटक पढिएको

प्रकाशित मिति: १३ श्रावण २०७५, आईतवार २०:४२

सम्पादक: Dhading News

 धादिङ – धादिङको गजुरी गाउँपालिका वडा नम्बर ४ गैरीगाउँमा न्वारनको भोजखाँदा ५० जना जना स्थानीयबासिन्दा बिरामी परेका छन् ।

अनिल चेपाङको छोरीको न्वारनको भोज खाएपछि भोजमा आएर खाना खाएका गाउँवासीहरु बिरामी परेको स्थानीय बिजय चेपाङले वताउनु् भयो । खानेकुरा खाएको केही बेरमा वाकवाक लाग्ने, रिंगटा लाग्ने, केही समयपछि बेहोस भएर नबोली बस्ने, तथा कोही डर लाग्यो भन्दै रुने कराउने गर्न थालेपछि भोजनै रोकिएको गाउँलेहरुले वताए ।

उनीहरु सबैलाई दही, घ्यूलगायतको खाने कुरा खुवाएर होसमा ल्याउने गरी प्राथमिक उपचार गरिएको थियो । गाउँसम्म पुग्न आदमघाटबाट ५ घण्टा लाग्छ । लगातार पानी परिरहेको र कच्ची सडकमा पहिरो समेत आएका कारण गाउँसम्म पुग्नका लागि कठिनाइ उत्पन्न भएको छ । न्वारनको भोज खान करीब १०० जना जम्मा भएका थिए । शुरुमा पुरोहित शुक्रबहादुर चेपाङ र भान्छामा सहयोगीको काम गर्ने वीरसिं चेपाङले खाना खाएका थिए । खाना खाएपछि उनीहरुले सामान्य रिंगटा लागेको बताएका थिए ।खाना खाएका चेपाङ संघका सन्तमान चेपाङ, संगिता चेपाङ, विमला चेपाङ लगायतका चेपाङ अगुवाहरु समेत बिरामी परेका थिए ।  भोजमा भात, आलु र कालो दाल, मासु र तरकारी पकाइएको छ । खानेकुरा संगै सगुनका रुपमा जाँड र रक्सी समेत राखिएको वीरसिंह चेपाङले बताउनुभयो । बेहोस हुनेमा वच्चा र ठुला मानिसहरु रहेका छन् ।दाल वनाएर पकाएको मासमा गाँजाको दाना भाङ मिसिएको कारण समस्या उत्पन्न भएको स्थानीयले वताएका छन ।

चार बर्ष अघि   गहुंको  रोटी खाँदा धादिङको पिडा गाविसमा एकै परिवारका ६ जनाको ज्यान गएको थियो । किराले नखाओस् भनेर बिषादी हालेर जोगाएर राखिएको गहुं पिसेर रोटी वनाएर खांदा एकै घरका तीन पुस्ताले अकालमा ज्यान गुमाउनु परेको थियो । जिल्लाको दक्षिणी भेगमा पर्ने पिडा गाविस वडा नं. ८ पुकुनमा रोटी खाएपछि २० जना सिकिस्त विरामी भएका थिए । सिकिस्त भएका मध्ये ६ जनाले ज्यान गुमाएका थिए । स्थानीय सन्जबहादुर तामाङका घरमा  खाजाको लागि पकाएको रोटी खाँदा घरका सबैजना एकै साथ विरामी परेका थिए । घट्टधनी तिलक बहादुर तामाङको परिवारले सन्ज बहादुरको घरमा रहेको गहुँ पिनी सकेपछि लगत्तै कोदो पिसेको र त्यही कोदोको रोटी खांदा उनिहरुको परिवार समेत विरामी भएका थिए । ज्यान गुमाउनेमा ६२ वर्षिय सन्जबहादुर तामाङ, उनका माईली बुहारी २८ वर्षिय फूलमाया तामाङ, फुलमायाका छोरा ५ वर्षिय अर्जुन तामाङ, ७ वर्षिया छोरी सविता तामाङ र २ वर्षिया छोरी अनिता तामाङ र ५ वर्षिय रमेश तामाङ रहेका थिए ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१३ श्रावण २०७५, आईतवार २०:४२ मा प्रकाशित

समाचार

सबै

‘प्रत्येक पालिकमा एउटा आयुर्वेद औषधालय हुनुपर्छ’

धादिङका प्रत्येक स्थानीय तहमा कम्तिमा एउटा आयुर्वेद औषधालय स्थापना गर्न सरोकारवालाहरुले सुझाव दिएका छन् । जिल्ला आयुर्वेद स्वास्थ्य केन्द्र धादिङले विहीवार धादिङबेसीमा आयोजना गरेको जनप्रतिनिधि तथा.....

पहिरोले पाइप बगाएपछि छुम्राङ गाउँमा खानेपानी संकट

रुबीभ्याली (धादिङ ) -  पहिरोले खानेपानीको पाइप बगाएपछि धादिङको रुबीभ्याली गाउँपालिका ५ छुम्राङ गाउँमा पानीको.....

प्रधानमन्त्री केपी शर्मा ओलीको पक्षमा धादिङबेसीमा प्रदर्शन

धादिङबेसी–प्रधानमन्त्री केपी शर्मा ओलीको पक्षमा बुधबार सदरमुकाम धादिङबेसीमा प्रदर्शन भएको छ । प्रधानमन्त्री.....

ग्लोवल आईएमई बैकबाट गल्छी गाउँपालिकालाई सहयोग

धादिङ, २३ असार ः ग्लोबल आइएमई बैंक गल्छी शाखाले कोरोना भाईरस विरुद्धको अभियानमा गल्छी गाउँपालिकालाई सहयोग गरेको.....

कोरोना भाइरसबाट विदेशमा रहेका १४३ जना नेपालीको मृत्यु

धादिङ ।संसारभर महामारीको रुपमा फैलिरहेको कोरोना भाइरसको सङ्क्रमणबाट विदेशमा रहेका १४३ जना नेपालीको मृत्यु.....

Categories