धादिङमा ‘समुदाय–प्रहरी साझेदारी’ कार्यक्रम शुभारम्भ

372 पटक पढिएको

प्रकाशित मिति: ११ कार्तिक २०७५, आईतवार २०:०७

सम्पादक: Dhading News

 

 

धादिङ ११ कात्तिक  । ‘हर प्रहर गाउँ र नगरी, टोलटोलमा नेपाल प्रहरी’ भन्ने मूल नारासाथ शान्तिसुरक्षा, समृद्धि र स्थायित्वका लागि नेपाल प्रहरीले ल्याएको ‘समुदाय–प्रहरी साझेदारी’ कार्यक्रमको  शुभारम्भ गरिएको छ । प्रहरीले स्थानीय तह, समुदाय, सामाजिक सङ्घसंस्था तथा विद्यालयसँग साझेदारी रहने गरी कात्तिक ११ गते शुक्रवार देखि धादिङ लगायत देशभर एकैसाथ उक्त कार्यक्रम शुभारम्भ गरेको हो ।

धादिङमा आईतबार जिल्ला प्रहरी कार्यालयको सभा हलमा धादिङका प्रमुख जिल्ला अधिकारी भागिरथ पाण्डेको अध्यक्षतामा भएको कार्यक्रममा  जिल्ला समन्वय समिति धादिङका प्रमुख जगन्नाथ नेपाल को प्रमुख आतिथ्य रहेको थियो ।  कार्यक्रमको अवधारणा प्रस्तुत गर्दै प्रधादिङका प्रहरी उपरिक्षक डम्बरवहादुर विकले समाजमा शान्तिसुरक्षामा समुदायसँग समन्वय गर्दै ‘समृद्ध नेपाल र सुखी नेपाली’ बनाउने सरकारको लक्ष्य प्राप्त गर्न अभियान सहयोग सिद्ध हुने विश्वास व्यक्त गर्नु भएको थियो ।

कार्यक्रमअन्तर्गत केन्द्रीयस्तरदेखि गाउँतहसम्मै साझेदारी संरचना निर्माण गरिनेछ । अपराध रोकथाम, समुदाय सुरक्षा र सचेतना, शान्ति र सुव्यवस्था, विद्यालय सचेतनासहित समुदाय केन्द्रित कार्यक्रम सञ्चालन गरिने प्रहरी उपरिक्षक विकले जानकारी दिनु भयो । नयाँ अभियानलाई दिगो र दीर्घकालीन बनाउने लक्ष्यसहित स्थानीय तहलाई प्रमुख साझेदार बनाईएको छ ,बालबालिका र युवा अपराधको उच्च जोखिममा रहेकाले विद्यालय केन्द्रित कार्यक्रम प्राथमिकतामा रहेको पनि विकले वताउनु भयो ।

तथ्याङ्कमा ४० प्रतिशत जनसङ्ख्या विद्यालय क्षेत्रसँग सम्बद्ध छ । अपराधमा १६–२५ वर्षका बढी संलग्न छन् । त्यस्तै १८ वर्षमुनिका बालबालिका बलात्कारको शिकार भएका छन् । त्यसैले साझेदारी कर्याक्रम विद्यालयसँग जोड्न लागिएको विकले जानकारी दिनु भयो । भयमुक्त समाज, गुणस्तरीय शिक्षा, अपराध एवं हिंसाबाट सुरक्षा, शान्ति र स्थायित्व कायम गर्ने कार्यक्रमको लक्ष्य हो । अभियान सफल पार्न टोलटोलमा प्रहरी, नागरिकमैत्री प्रहरी सेवा, समुदाय र विद्यालय सचेतना कार्यक्रम एकसाथ चलाइनेछ । स्थानीय तहसँगको समन्वयमा विद्यालयमा समेत सामुदायिक सुरक्षा पाठ्यक्रम बनाएर लागू गरिनेछ ।

धादिङमा यो कार्यक्रम २ नगरपालिका र ११ गाउँपालिका समेत गरी १३ स्थानीय तहसँग समन्वय गरिनेछ । सामाजिक संस्था, विद्यार्थी, विद्यालय,  शिक्षक, प्रहरी र  अभिभावक प्रत्यक्ष संलग्न गराइने जनाइएको छ । विगतका कार्यक्रमभन्दा यसपटक फरक परिणाममुखी काम गर्ने प्रहरीको योजना छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

११ कार्तिक २०७५, आईतवार २०:०७ मा प्रकाशित

समाचार

सबै

मौसममा विस्तारै सुधार हुँदै

धादिङ । पश्चिमी न्यून चापीय वायुको प्रभावले बिहीबारदेखि प्रभावित मौसम शनिबारबाट विस्तारै सुधार हुँदै जान थालेको जल तथा मौसम पूर्वानुमान महाशाखाले जनाएको छ । नेपालमा पश्चिमी न्यून चापीय प्रणालीको प्रभाव.....

मिटर व्याज थेग्न नसकेपछि सामूहिक आत्महत्याको प्रयास

धादिङ - व्याजमा ऋण लिएर शेयर बजारमा लगानी गर्दै आएका काठमाण्डौंको चन्द्रागिरि नगरपालिका–४, थानकोटका ३७ वर्षीय.....

Two held with illegal drugs in Dhading

Two persons have been arrested in possession of a huge cache of banned pharmaceutical drugs from Gajuri of Dhading district, on Friday, police said. Police intercepted a bus (Na 6 Kha 1760) heading to Lamjung from Kathmandu at Gajuribazaar along Prithvi highway and arrested Hemanta Gurung, 19, of.....

दुई बच्चासहित दम्पत्ति त्रिशूली नदीमा हामफाले

धादिङ- काठमाडौं थानकोट घर भएका बिनय लामिछानेको दम्पत्तिले आफ्ना दुई नाबालक सन्तानसहित बिहिवार साँझ त्रिशूली.....

सल्यानटारमा रंगशाला र गल्छी ६ मा वडा कार्यालय निर्माण गरिने

 धादिङको त्रिपुरासुन्दरी गाउँपालिकामा पर्ने सल्यान्टारको असिन फाँटमा रंगशाला निर्माण गरिने भएको छ ।.....

Categories