धादिङबेसी–सल्यानटार सडक कालोपत्रे शुरु

627 पटक पढिएको

प्रकाशित मिति: २६ बैशाख २०७६, बिहीबार ०६:५७

सम्पादक: Dhading News

 

 

धादिङ-  धादिङबेंसी–सल्यानटार हुंदै गोरखाको आरुघाट जोड्ने सडक खण्ड निर्माण शुरु भएको २४ बर्ष पछि कालोपत्रे सुरु गरिएको छ । यो सडक खण्डको धादिङबेंसी र टारीबेंसी दुवै तर्फबाट अहिले धमाधम कालोपत्रेको काम सुरु भएको धादिङबेंसी आरुघाट गोरखा सडक आयोजनाले जनाएको छ ।

आयोजनाका प्रमुख नवीनमान श्रेष्ठका अनुसार जिल्ला सदरमुकाम धादिङबेंसीबाट सल्यानटार जोड्ने २६ किलोमिटर लम्बाईको सडक आगामी असार मसान्त सम्ममा स्तरोन्नति सहित कालोपत्रे गरि सक्ने लक्ष्यका साथ निर्माण कार्य भईरहेको छ । सडक निर्माणका लागि ७० करोड ११ लाख ७३ हजार रूपैयाँ खर्च लाग्ने अनुमान गरिएको छ । सडक–खण्ड पुननिर्माण स्तरउन्नती तथा कालोपत्रे गर्ने काम लामा कन्स्ट्रक्सनले जिम्मा लिएको छ । सडक दुई खण्डमा भाग लगाएर छुट्याएर काम भईरहेकोपनि गरिएको आयोजना प्रमुख श्रेष्ठले बताउनु भयो ।

सदरमुकाम धादिङबेसी संग जिल्लाको मध्य तथा उत्तरी भेगका गाउँबस्ति जोड्ने गरी २०४२ सालदेखि जिटिजेडको सहयोगमा सडकको निर्माण शुरु गरिएको थियो । जिटिजेडको सहयोगमा ०४२ सालदेखि हरियाली मार्गका रूपमा निर्माण थालिएको धादिङबेंसी–सल्यानटार सडक मर्मत संभारका लागि हरेक वर्ष एक करोड रुपैयाँ हाराहारीमा खर्च हुंदै आईरहेको थियो । बर्षेनी करोडौं रुपैया खर्च भएपनि सडकको अवस्थामा भने सुधार हुन सकेको थिएन । अहिले स्तरउन्नती सहितको पुनर्निमाण र कालोपत्रे गर्ने कार्यका लागि ६० प्रतिशत काम सम्पन्न भइसकेको निर्माण कम्पनीले जनाएको छ ।

जिटिजेडको सहयोगमा ०४२ सालदेखि निर्माण हरियाली मार्गका रूपमा निर्माण थालिएको धादिङबेंसी–सल्यानटार सडक मर्मतसंभारका लागि हरेक वर्ष एक करोड रुपैयाँ हाराहारीमा खर्च हुंदै आईरहेको थियो । बर्षेनी करोडौं रुपैया खर्च भएपनि सडकको अवस्थामा भने सुधार हुन सकेको थिएन । लामा कन्स्ट्रक्सनले २ वर्षभित्र कार्य सम्पन्न गरिसक्ने गरी २०७३ पुस १४ मा सडक निर्माण सम्झौता भएको थियो । निर्माणाधिन सडकको मुआव्जा निर्धारण र वितरणमा भएको ढिलाई,ढुंगा, गिटी लगायतका निर्माण सामग्री उत्खनन तथा ल्याउन भोग्नु परेको कठिनाइ, मौसम लगायतका कारणले निर्माणमा ढिलाइ भएको ठेकेदार कम्पनीको भनाई छ ।

सडक निर्माण कार्य ढिलो हुँदा धादिङ जिल्लाको उत्तरी भेग र गोरखाको उत्तरपूर्वी क्षेत्रका ग्रामीण भेगको जनजीवन निकै प्रभावित हुंदै आएको छ । यो सडक खण्ड पार गर्दै जिल्लाको नीलकण्ठ नगरपालिकाको ८,९ र १० नम्बर वडाका साथै त्रिपुरासुन्दरी, गंगाजमुना र ज्वालामुखी गाउँपालिका लगायत उत्तरी क्षेत्रका अधिकांश गाउँबस्तीका बासिन्दा आवातजावत गर्ने र दैनिक उपभोगका सामान ओसार पसार गर्ने गर्छन । सडक निर्माणमा ढिलासुस्ती हुँदा यस भेगका स्थानीय मारमा पर्दै आईरहेका छन् । असार मसान्तमा सम्झौता अवधि सकिने भएकाले त्यो भन्दा अघि वर्षा सुरु नहुँदै कालोपत्रे सक्नु पर्ने वाध्यता निर्माण कम्पनीमा छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२६ बैशाख २०७६, बिहीबार ०६:५७ मा प्रकाशित

समाचार

सबै

मौसममा विस्तारै सुधार हुँदै

धादिङ । पश्चिमी न्यून चापीय वायुको प्रभावले बिहीबारदेखि प्रभावित मौसम शनिबारबाट विस्तारै सुधार हुँदै जान थालेको जल तथा मौसम पूर्वानुमान महाशाखाले जनाएको छ । नेपालमा पश्चिमी न्यून चापीय प्रणालीको प्रभाव.....

मिटर व्याज थेग्न नसकेपछि सामूहिक आत्महत्याको प्रयास

धादिङ - व्याजमा ऋण लिएर शेयर बजारमा लगानी गर्दै आएका काठमाण्डौंको चन्द्रागिरि नगरपालिका–४, थानकोटका ३७ वर्षीय.....

Two held with illegal drugs in Dhading

Two persons have been arrested in possession of a huge cache of banned pharmaceutical drugs from Gajuri of Dhading district, on Friday, police said. Police intercepted a bus (Na 6 Kha 1760) heading to Lamjung from Kathmandu at Gajuribazaar along Prithvi highway and arrested Hemanta Gurung, 19, of.....

दुई बच्चासहित दम्पत्ति त्रिशूली नदीमा हामफाले

धादिङ- काठमाडौं थानकोट घर भएका बिनय लामिछानेको दम्पत्तिले आफ्ना दुई नाबालक सन्तानसहित बिहिवार साँझ त्रिशूली.....

सल्यानटारमा रंगशाला र गल्छी ६ मा वडा कार्यालय निर्माण गरिने

 धादिङको त्रिपुरासुन्दरी गाउँपालिकामा पर्ने सल्यान्टारको असिन फाँटमा रंगशाला निर्माण गरिने भएको छ ।.....

Categories