सलाङघाट बस दुर्घटना -ज्यान गुमाउने संख्या ६ पुग्यो, २७ जना अझै वेपत्ता

130 पटक पढिएको

प्रकाशित मिति: २५ श्रावण २०७६, शनिबार १०:५५

सम्पादक: Dhading News

केशव अधिकारी
धादिङ, २५ साउन – शुक्रवार विहान धादिङको सलाङघाट स्थित त्रिशूली नदीमा खसेर भएको बस दुर्घटनामा मृत्यु हुनेको संख्या ६ पुगेको छ । २७ जना अझै बेपत्ता छन । उद्धार गरिएका १६ जनाको धादिङ र काठमाडौंमा उपचार गरिएको छ । मृत्यु भएका मध्ये सर्लाहीका अजय दास र विजय कुर्मी तथा बसका कन्डक्टर ऋषि उप्रेतीको मात्र सनाखत हुन सकेको जिल्ला प्रहरी कार्यालय धादिङले जनाएको छ ।


मृतक अन्य तीन जनाको पहिचान हुन सकेको छैन । धादिङको कृष्णभीर,चरौंदी ज्यामिरे, चितवनको मुग्लिन, जुगेडी र तनहुँको देवघाटमा एक÷एक तथा गोरखा जिल्ला तर्फको त्रिशूली नदीको किनारमा २ वटा शव फेला परेको जिल्ला प्रहरी कार्यालय धादिङका प्रहरी उपरिक्षक राजकुमार बैदवारले वताउनु भयो । शुक्रवार विहान ३.३० बजेको समयमा धादिङको बेनिघाट रोराङ गाउपालिका वडा नंम्बर ३ सलाङघाट नजिकै पृथ्वी राजमार्गमा सर्लाहीबाट काठमाडौका लागि छुटेको ना ६ ख ७४६९ नं।को न्यू सृष्टि डिलक्स बस सडकबाट अन्दाजी २०० मिटर तल त्रिशूली नदीमा खसेर दुर्घटना भएको थियो ।

दुर्घटनामा परेर ६ जनाको ज्यान गएको छ भने १६ जना घाईतेलाई उद्दार गरी शुक्रवारनै उपचारार्थ काठमाण्डौं पठाईएको थियो । नदीमा आधा भाग डुवेको बस क्रेनको सहायताले किनारमा तानिएको थियो । पानीको वहाव निकै वेगमा रहेको कारण बसमा रहेका यात्रुहरु नदीमा खस्ना साथ नदीले वगाएर लगेको अनुमान गरिएको छ । दुर्घटना स्थल निकै अप्ठेरो भिरमा रहेका कारण सडक किनारमा डोरी बाँधेर सोही डोरीको सहायतामा उद्धार गरिएको थियो ।


नदीमा हराई रहेकाहरुको खोजी कार्य शनिवार विहानै देखि भइरहेको प्रहरी उपरिक्षक वैदवारले जानकारी दिनु भयो । दुर्घटनामा हराईरहेका अन्य व्यक्तिहरुको खोज तलासलाई थप प्रभावकारी बनाउन सशस्त्र प्रहरी बल विपद व्यवस्थापन गण कुरीनटारका गोताखोरको टोली संगै जिल्लाका प्रहरी तथा उद्धारकर्मी टोलि विहानै देखि त्रिशूली नदीमा खटिएका छन् ।


दुर्घटना भएको बसमा सर्लाही मलङवाबाट ४०जना, हरिपुरबाट २ जना गरी ४२ जनाको चलानि काटी यात्रु चढाएको र बस चालक, सहचालक र कन्डक्टर ३ जना र बिचमा चढेका तर टिकट नलिई क्याविनमा बसेका चार जना समेत गरी ४९ जना सवार रहेको भन्ने बुझिएको जिल्ला प्रहरी कार्यालय धादिङले जनाएको छ ।
दुर्घटना स्थलमानै ज्यान गएका सर्लाहीका बर्ष ३५ को अजय दास भनिने भारत सितामढीका अजय ठाकुर, सर्लाहीका २५ बर्षिय बिजय कुर्मि र नाम थर वतन नखुलेको ५५ बर्ष जतिको पुरुष गरि ३ जनाको शव प्राथमिक स्वास्थ्य केन्द्र गजुरीमा राखिएको छ । यसै गरी सर्लाही जिल्ला हरिवन नगरपालिकाका ४६ बर्षिय बिनोद प्रसाद उप्रेतिको शव गोर्खा जिल्लाको गण्डकी गाउँपालिका वडा नम्बर अमटे स्थित त्रिशूली नदीको किनारमा शुक्रवार साँझ ८ वजे तिर बजे फेला परेको प्रहरीले जनाएको छ ।
नदीले वगाएर हराईरहेका मध्ये सर्लाही जिल्ला मलंगवा १ बस्ने वर्ष ४० को सुनिल कुमार श्रीवास्तवको शव चितवनको जुगेडीमा र निजकै श्रीमती ३५ बर्षिया निमा श्रीवास्तवको शव चितवनको कालीखोलामा फेला पारि दुवै जनाको शव भरतपुर अस्पतालमा राखिएको छ ।

सर्लाही मंलङवाका १६ बर्षिय रोहित कुमार मण्डलको गजुरी अस्पतालमा उपचार गरिएको छ । भारत सितामणी घर भएका ४०बर्षिय धिरेन्द्र ठाकुर,सर्लाही कबिलास नपा।४ बस्ने ३२ बर्षिय बिजय यादव, सर्लाही हरिपुर घर हुने बस चालक बर्ष ४० को जिवन बिक,सर्लाही हरिपुर ४ बस्ने बसका सहचालक २८ बर्षिय प्रमोद कुंवर को काठमाण्डौं ट्रमा सेन्टरमा उपचार भईरहेको छ । त्यसै गरि सर्लाही गमहरिया ८ बस्ने बर्ष ३६ को दिनेश ठाकुर,औरही गापा ७ बस्ने बर्ष १५ को राहुल महत्तो र हरिपुर ९ बस्ने बर्ष २३ को अमृत लामा र नामथर वतन नखुलेको कम्मर र टाउकोमा गम्भिर चोट लागेका अन्दाजी ३५ बर्ष जतिका एक पुरुषको ट्रमा सेन्टर काठमाण्डौंमा उपचार भईरहेको छ ।


ट्रमा सेन्टरमा उपचारका लागि भर्ना गरिएका मध्ये सर्लाही मलंगवा ११ का १६ बर्षिय सिकिन्द्र कुमार महतो, बिष्णु गा.पा. ५ का २१ बर्षिय कुश रन्जम महतो,सर्लाही ब्रहमपुरीका १६ बर्षिया स्वेता रौनियार, ब्रहमपुरी ६ बस्ने २२ बर्षिय राकेश बैठा, हरिपुर ७ बस्ने बर्ष ३४ को भोगेन्द्र चौधरी, सर्लाही मंलङवा २ बस्ने बर्ष २८ को समिपराज अंसारीे, कबिलासी लाठी नपा ६ बस्ने बर्ष ३१ को भुपेन्द्र कुमार यादव शुक्रवार साँझ डिस्चार्ज भएको धादिङका प्रहरी उपरिक्षक बैदवारले जानकारी दिनु भयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ श्रावण २०७६, शनिबार १०:५५ मा प्रकाशित

समाचार

सबै

धादिङबेसीमा सिद्धार्थ बैंकको शाखा सञ्चालनमा

धादिङबेसी- धादिङ जिल्लाको सदरमुकाम धादिङबेसीमा बैक तथा वित्तिय संस्थाको शाखा स्थापना हुनेक्रम बढ्दै गएको छ । एक दर्जन भन्दा बढी बैकको शाखा स्थापना भई संचालनमा रहिरहेको धादिङबेसीमा सिद्घार्थ बैंकले पनि.....

हुवासिन सिमेन्टको जग्गा भाडा सम्झौता प्रक्रिया मन्त्रिपरिषदमा

धादिङ, ३२ साउन। धादिङको वेनिघाट रोराङ गाउँपालिकाको ताल्तीमा निर्माण हुन लागेको हुवासीन सिमेण्ट उद्योगका लागि.....

हावाले उडाएको पुल मध्य बर्षामा ढलान गरिंदै

धादिङ- निर्माण कार्य शुरु भएको पाँच वर्ष विति सक्दापनि सम्पन्न हुन नसकेको नुवाकोटको केउरिनी बाट धादिङको.....

नेकपा स्वास्थ्य विभाग प्रमुखमा राजेन्द्र पाण्डे

धादिङ - नेपाल कम्युनिस्ट पार्टी (नेकपा)को स्वास्थ्य तथा जनसंख्या विभागको नेतृत्व प्रदेश नम्बर ३ का सांसद तथा.....

लालपुर्जा किर्ते गरी बुढीगण्डकीबाट ६३ लाख ठगी

धादिङ । १२ सय मेगावाट बिजुली उत्पादन गर्ने प्रस्तावित बुढीगण्डकी जलविद्युत आयोजनासँग ठगी गरेर रकम असुलेको.....

Categories