मौवाखोलामा अलपत्र परेकाहरूलाई ट्रकमा राखेर घर पठाइयो

773 पटक पढिएको

प्रकाशित मिति: ५ बैशाख २०७७, शुक्रबार २०:३८

सम्पादक: Dhading News

धादिङ (मौवाखोला). चितवन र धादिङ जिल्लाको सिमाना पर्ने पृथ्वी राजमार्गको मौवाखोलामा अलपत्र परेका सयौं पैदलयात्रीलाई गन्तव्यमा पठाइएको छ।
चितवन जिल्ला प्रशासन कार्यालयले आफ्नो जिल्लाभित्र बाहिरी जिल्लाबाट आएका कसैलाई पनि प्रवेश गर्न नदिने भन्दै पैदलयात्रीलाई अघि बढ्न रोकेपछि बिहीबार बिहानैदेखि पृथ्वी राजमार्ग भएर गन्तव्यतिर हिँडेकाहरु मौवाखोलामा अलपत्र परेका थिए।


राजधानी र अन्य जिल्लाबाट समेत पैदलयात्रा गरेर मौवाखोला पुगेकाहरुलाई चितवन प्रशासनले अघि बढ्न अवरोध गरेको थियो। मौवाखोलाका स्थानीयले उक्त कार्यको विरोध जनाउँदै केही समय राजमार्ग अवरुद्धसमेत पारेका थिए।

स्थानीयले अत्यावश्यक सेवाका सवारी साधन रोकेर अलपत्र परेकाहरुको उचित व्यवस्थापन हुनुपर्ने दबाब दिएका थिए। विभिन्न ठाउँबाट हिंडेर आएकाहरुलाई चितवन प्रवेश गर्न नदिएपछि धादिङको मौवाखोलाका बासिन्दाले आंफूहरुमा संक्रमणको डर बढेको भन्दै चितवन प्रशासनको कदमको विरोध गर्नुपरेको बताएका थिए।


सडकमा ३ सयभन्दा धेरै पैदलयात्री अलपत्र परेपछि धादिङका प्रमुख जिल्ला अधिकारी अस्मान तामाङ र चितवनका प्रमुख जिल्ला अधिकारी नारायण भट्टराई घटनास्थल पुगेर निकासका छलफल गरे पनि चितवन प्रशासनको अडानले साँझसम्म कुनै निकास आउन सकेको थिएन।

चितवनको इच्छाकामना गाउँपालिका अध्यक्ष गीतादेवी गुरुङ र धादिङको बेनिघाट रोराङ गाउँपालिकाका अध्यक्ष पित्तबहादुर डल्लाकोटीका साथमा अन्य स्थानीय जनप्रतिनिधि, नागरिक समाजका प्रतिनिधिहरु बिहीबार दिनभर मौवाखोला उपस्थित भएर निकासका लागि पहल गरेका थिए।

काठमाडौंदेखि हिँडेर आएका पैदलयात्रीलाई बीच बाटोमा अलपत्र पार्न हुंदैन भनेर प्रदेशदेखि संघीय सरकारका विभिन्न निकायसँग निकासका लागि पहल गरिदिन अनुरोध गरिएको बेनिघाट रोराङका अध्यक्ष डल्लाकोटीले बताउनुभयो।


दिनभरको प्रयसा पछि चितवन प्रशासनले सहमति जनाएपछि धादिङको बेनिघाट रोराङ गाउँपालिकाका अध्यक्ष डल्लाकोटी र चितवनको इच्छाकामना गाँउपालिकाकी अध्यक्ष गुरुङको संयुक्त पहलमा उनीहरुलाई विभिन्न ट्रकमा राखेर गन्तव्यमा पठाउन सुरु गरिएको थियो। बिहीवार र शुक्रवार गरेर मौवाखोलामा रोकिएका करिब ४ सय यात्रुलाई गन्तव्यमा पठाइएको इच्छाकामना गाउँपालिकाकी अध्यक्ष गुरुङले जानकारी दिनुभयो ।

‘तरकारी र अन्य सामान बोक्ने ट्रकलगायत सवारीसाधनलाई रोकेर सम्झाउँदै मानिसहरु पठाएका छौं, मोटरमा चढेपछि बाटोमा खानका लागि भनेर पानी र खाजा पनि दिएका छौं,’ अध्यक्ष गुरुङले बताउनुभयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

५ बैशाख २०७७, शुक्रबार २०:३८ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

धादिङ न्यूज डटकमको सम्पादकमा रामचन्द्र रुपाखेती

    धादिङ- धादिङ जिल्लाको पहिलो अनलाइन खबर पत्रिका धादिङ न्यूज डट कमको सञ्चालन अब डिन्यूज मिडिया प्रा.लि.ले गर्ने भएको छ । नेत्रावती मिडिया प्रा.लि.बाट अनलाइनको स्वामित्व डिन्यूजमा सरेसंगै कम्पनीले धादिङ.....

बागमती प्रदेशले धादिङ अस्पताललाई ७५ लाख दिने

हेटौंडा, २३ भदौ - कोरोना भाईरस संक्रमण तथा रोकथामका लागि बागमती प्रदेशले प्रदेशका बिभिन्न स्थानिय तह, अस्पताल र.....

नागढुंगा सुरुङमार्ग निर्माण सुरु, १ वर्षमै सुरुङको प्वाल खनिने

धादिङ- सिस्नेखोलादेखि काठमाडौंको थानकोट जोड्ने बुहप्रतिक्षित नागढुंगा सुरुङमार्ग निर्माण सुरु भएको छ । सडक.....

बूढीगण्डकी आयोजना प्रभावितहरुले बुझे ३२ अर्ब मुआब्जा

केशव अधिकारी धादिङ । आयोजना कस्ले बनाउने र कुन ढाँचामा बन्ने भन्ने बारेमा टुंगो लाग्न नसकेपनि प्रस्तावित १२ सय.....

धादिङमा निषेधाज्ञा भदाै ९ गतेसम्म थप

 धादिङ ।  कोरोना संक्रमणको महामारी थप फैलन नदिन धादिङमा निषेधाज्ञालाई कडाई गरिने भएको छ । जिल्ला सुरक्षा.....

Categories