संक्रमित थपिदै गएपछि आईसोलेसन बेडको अभाव

778 पटक पढिएको

प्रकाशित मिति: ४ असार २०७७, बिहीबार ०६:२८

सम्पादक: Dhading News

धादिङ– धादिङ जिल्लामा कोरोना भाइरस (कोभिड–१९) संक्रमितको हुनेको संख्या निकै बढ्दै गएको छ । अहिले सम्म जिल्लाका ९२ जनामा संक्रमणको पुष्टि भएको छ भने ति मध्ये नीलकण्ठ नगरपालिकाको मात्रै ५२ जना छन । जिल्लाका विभिन्न स्थानका पाँच जना भने उपचार पछि निको भएर घर फर्किएका छन ।

जिल्लाभर क्वारेन्टाईन बेडको क्षमता १३ सय ७६ रहेको छ जस्मा अहिले २० महिला २०७ जना बसिरहेका छन् । त्यसैगरि आईसोलेशन बेडको संख्या ३९ रहेको भएपनि ६ महिला सहित ५२ जनालाई आईसोलेसनमा राखिएको स्वास्थ्य कार्यालय धादिङले जनाएको छ । स्वास्थ्य कार्यालयका अनुसार जिल्लामा अहिले नीलकण्ठ नगरपालिका २४, थांक्रे गाउँपालिका ५,गजुरी गाउँपालिका २,बेनिघाट रोराङ गाउँपालिका ३, त्रिपुरासुन्दरी गाउँपालिकामा ५ बेड क्षमताकोे आईसोलेसन बेड रहेको छ ।

पछिल्लो समय संक्रमितको संख्या हरेक दिन बढ्न थालेपछि बेडको अभाव हुंदा उपचार प्रभावित हुने भएकाले संकट व्यवस्थापन केन्द्रले सम्वन्धित स्थानीयतहहरुलाई नेपाल सरकारले तोकेको मापदण्ड अनुसारको आईसोलेशन बेड थप्न निर्देशन दिएको छ ।

धादिङ जिल्लाको विभिन्न गाउँबस्तीका बासिन्दा लकडाउनको अवधिमा भारतबाट सामूहिक रुपमा घर फर्किएपछि समूहगत रुपमा कोरोना संक्रमण देखिन थालेको हो ।

संकट व्यवस्थापन केन्द्र ( सिएमसि) धादिङको अभिलेख अनुसार कोरोना भाइरसको महामारी फैलिएपछि जेठ मसान्त सम्ममा भारत लगायत अन्य देशबाट १ हजार जना जिल्लाबासी गाउँ फर्किएका छन् । लकडाउन पछि गाउँ फर्किएकाहरुमा अधिकांश भारतबाट आएकाहरुनै रहेका छन् ।

नेपाल भारतको सिमा नाका सम्म आएपछि सम्वन्धित स्थानीय तहले आफ्ना नागरिकको उद्धार गर्दै आईरहेका छन । यसरी ल्याईएकाहरुलाई सम्वन्धित स्थानीय तहले व्यवस्था गरेको क्वारेन्टाईनमा राखिंदै आएको जिल्ला समन्वय समिति धादिङका प्रमुख जगन्नाथ नेपालले वताउनुभयो ।

नीलकण्ठ नगरपालिकाले पनि उद्धार गरि ल्याएका नागरिकलाई सदरमुकामको क्वारेनटाइनमा राखेर आरडिटी परिक्षण गराउँदा रिर्पोट नेगेटिभ आएपछि घर पठाईदिएकोमा अहिले तिनै व्यक्तिको पिसिआर पोजेटिभ देखिएपछि नगरपालिकाको विभिन्न वडामा त्रास फैलिएको छ ।

क्वारेनटाइनमा राखिएकाहरुलाई आरडिटि विधिबाट परिक्षण गर्दा नेगेटिभ आएपछि घर पठाईएको र उनिहरु घरगएपछि सोही समूहमा आएका मध्ये केहीलाई कोरोना पुष्टी भएपछि जेठ ३० गते स्वाब संकलन गरि पठाइएकोमा असार १ गते थप ९ जनामा कोरोना पुष्टी भएको स्वास्थ्य कार्यालय धादिङका प्रमुख डा. भुवन पौडेलले जानकारी दिए । यस अघि नगरपालिका भित्रका ४२ जनामा कोरोना संक्रमण देखिएको थियो ।

सोमबार पुष्टि भएका समेत गरि नीलकण्ठ नगरपालिकामा मात्रै कोरोना संक्रमित हुनेको संख्या ५१ ज्ना पुगेको छ । सोमबार पुष्टि भएकाहरुमा नीलकण्ठ नगरपालिका वडानम्बर २ का २८ वर्षीय २ जना, वडा नम्बर ५ का २४ वर्षीय २ जना र २९ वर्षीय १ जना, वडा नम्बर ७ का २८ वर्षीय २ जना, वडानम्बर १० का २८ वर्षीय १ जना र वडा नम्बर १४ का ३८ वर्षीय १ जना रहेको नीलकण्ठ नगरपालिका स्वास्थ्य शाखा प्रमुख बिष्णु रिजालले वताउनुभयो ।

कोरोना संक्रमण देखिएको नीलकण्ठ नगरपालिकाका विभिन्न वडाहरुका गाउँटोल शील गरेर उनीहरुको सम्पर्कमा रहेकाहरुको पनि पिसिआर परीक्षण गराउने प्रकृया अघि बढाउने गरेको संकट ब्यवस्थापन केन्द्र धादिङका संयोजक एवं प्रमुख जिल्ला अधिकारी अस्मान तामाङले जानकारी दिनुभयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

४ असार २०७७, बिहीबार ०६:२८ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सांसद भूमी त्रिपाठीद्वारा स्थानीय पूर्वाधार विकास साझेदारी कार्यक्रम सार्वजनिक

धादिङ । धादिङ जिल्ला निर्वाचन क्षेत्र नं १ का प्रतिनिधिसभा सदस्य भूमी त्रिपाठीले आर्थिक वर्ष २०७७/७८को स्थानीय पूर्वाधार विकास साझेदारी कार्यक्रम अन्तर्गत छनोट भएका योजना र बिनियोजित बजेट सार्वजनिक गर्नु.....

बूढीगण्डकी क्षेत्रका प्रभावित घरगोठको मुआब्जा माग्दै धर्नामा

धादिङ : राष्ट्रिय गौरवको आयोजनाको रुपमा चर्चा पाएपनि निर्माण कसरी हुने भन्ने बिषयमा गर्ने भन्ने टुंगो लाग्न.....

धादिङका पाँच स्थानीय तहमा अस्पताल शिलान्यास

धादिङ, १५ मंसिर । धादिङको पाँच वटा स्थानीय तहमा एकैदिन ५ वटा अस्पतालको शिलान्यास भएको छ । गुणस्तरीय आधारभूत.....

गोलभेँडाको दोब्बर मूल्य पाउँदा गौँथलेका किसान दङ्ग

नारायण ढुङ्गाना / (रासस) धादिङ : गत वर्ष उत्पादन कम र भाउ न्यून हुँदा धादिङ जिल्लाको सिद्धलेख गाउँपालिका वडा.....

नाबालिका बलात्कारको अभियोगमा त्रिपुरासुन्दरीका प्रकाश पक्राउ

पोखरा - नाबालिका बलात्कार गरेको अभियोगमा एक युवक पक्राउ परेका छन् । पक्राउ पर्नेमा धादिङ त्रिपुरासुन्दरी.....

Categories