मलेसिया, ४ भदौ, मलेसियामा जारी एसीसी प्रिमियर लिग क्रिकेट यु–१६ खेलमा आज मलेसियालाई हराएर इतिहास रच्दै नेपाल विजयी बनेको छ । नेपालले दिएको १ सय ६२ रनको लक्ष्य पुरा गर्नेक्रममा मलेसिया ३६ ओभरमा अलआउट हुँदै जम्मा १ सय २९ रन मात्रै जोड्न सफल भएपछि नेपालले उपाधि जितेको हो ।

टस हारेर व्याटिङ पाएको नेपालले निर्धारित ४० ओभरमा ९ विकेट गुमाएर जम्मा १ सय ६१ रन बनाउन सफल भएको थियो । यु–१६ मा इतिहास रच्दै नेपालले पहिलो पटक प्रिमियर लिगको उपाधि उचालेको हो ।