लालपुर्जा किर्ते गरी बुढीगण्डकीबाट ६३ लाख ठगी

1653 पटक पढिएको

प्रकाशित मिति: ३१ श्रावण २०७६, शुक्रबार ०६:२०

सम्पादक: Dhading News

 

 

धादिङ । १२ सय मेगावाट बिजुली उत्पादन गर्ने प्रस्तावित बुढीगण्डकी जलविद्युत आयोजनासँग ठगी गरेर रकम असुलेको भेटिएको छ । मालपोत कार्यालय धादिङकै संलग्नतामा लालपुर्जामा जग्गाको क्षेत्रफल बढाएर ६३ लाख रुपैयाँ ठगी गरिएको भेटिएको हो ।

साविकको बुढाथुम गाविस–९, हाल गंगाजमुना–७, निवासी होमनाथ पौडेलले मुआब्जाको रकम पाउन करिब दुई रोपनी मात्र रहेको जग्गालाई ११ रोपनीभन्दा बढी देखाई रकम ठगी गरेका हुन् । जसलाई मालपोत कार्यालयले पनि सहयोग गरेको अनुसन्धानबाट खुलेको छ ।

सेवानिवृत्त हुन लागेका मालपोतका तत्कालीन अधिकृत रेवती प्रसाद ढकालसँग मिलेमतो गरेर सो जग्गा बढाएर ६३ लाख रुपैयाँ ठगी गरेका हुन् । यसअघि पनि यही आयोजनाबाट स्थानीयले एक करोडभन्दा बढी रुपैयाँ ठगी गरेका थिए । तर, पछिल्लो पटक भने बढी असुल गरेको रकमका विषयमा भागबण्डामा कुरा नमिलेपछि बाहिर आएको हो ।

स्थानीय प्रशाासनले निकालेको सूचनाको दुरुपयोग गरी पौडेलले लालपूर्जामा जग्गाको क्षेत्रफल बढाएका थिए । आयोजनाले डुबानमा पर्ने जग्गाको लालपुर्जा सहित स्थानीय प्रशासनमा मुआब्जा दाबी गर्ने सूचना प्रकासित भएलगत्तै मालपोत अधिकृत ढकालसँगको मिलोमतोमा २ रोपनी क्षेत्रफल मात्रै भएको आफनो लालपुर्जामा ११ रोपनीभन्दा बढी देखाई ७५ लाख रकम मुआब्जा बुझेको पाइएको छ

मुआब्जा दिएको सो लालपुर्जाको जग्गा चार भाग विभाजन गर्नु पर्नेमा बढी रकम ल्याएर अरू अंशियारलाई नदिएर पौडेलले एक्लैले लुकाउन खोजेका थिए । बढी रकम लिएर पौडेलले काठमाडौंको चन्द्रागिरी ६ मच्छेगाउँमा घर निर्माण गर्न लागेका थिए । उनले घर निर्माण गर्ने तयारी थाहा पाएपछि अरू अंशियारले बढी रकम असूल गर्न स्थानीय प्रशासनमा निवेदन दिएका थिए । स्रोतका अनुसार पौडेलले सो रकम आफ्ना अन्य दाईभाइलाई दिन अस्वीकार गरेका थिए । आयोजनाबाट छलकपट गरेर लिएको रकम नपाएपछि अंशियारले जिल्ला प्रशासन कार्यालयमा उजुरी दिएका थिए ।

स्थानीय प्रशाासनले निकालेको सूचनाको दुरुपयोग गरी पौडेलले लालपूर्जामा जग्गाको क्षेत्रफल बढाएका थिए । आयोजनाले डुबानमा पर्ने जग्गाको लालपुर्जा सहित स्थानीय प्रशासनमा मुआब्जा दाबी गर्ने सूचना प्रकासित भएलगत्तै मालपोत अधिकृत ढकालसँगको मिलोमतोमा २ रोपनी क्षेत्रफल मात्रै भएको आफनो लालपुर्जामा ११ रोपनीभन्दा बढी देखाई ७५ लाख रकम मुआब्जा बुझेको पाइएको छ । तत्कालीन बुढाथुम ७ को नापीस्थित नक्सा नम्बर, नक्सा सिट नम्बर ९ क अनुसार २०७३ वैशाख १३ गते नयाँ लालपुर्जा जारी गरी पौडेलले लिएका थिए । वैशाख १३ गते लालपुर्जा जारी गरी मालपोत अधिकृत ढकाल वैशाख २० गते नै जिल्लाबाटै सेवानिवृत्त भई बिदा भएका थिए ।

पौडेलको सो लालपुर्जामा कित्ता नं। ५८ फिल्ड बुकमा रेकर्ड भएको क्षेत्रफल ०–१२–२–१ रहेको तर, नयाँ लालपुर्जामा बढेर आएको ६ रोपनी ६ आना, कित्ता नं ५९ फिल्ड बुकमा रेकर्ड भएको क्षेत्रफल ०–११–०–० रहेको थियो । तर, नयाँ लालपुर्जामा बढेर आएको ४ रोपनी ६ आना र कित्ता नं १४० फिल्ड बुक र नयाँ लालपुर्जा दुबैमा ०–९–२–१ एउटै क्षेत्रफल कायम भएको देखिएको छ । जम्मा २–३–०–२ को १४ लाख ८५ हजार मात्र मुआब्जा पउनुपर्नेमा ११ रोपनी क्षेत्रफलको कुल ७५ लाख ९कर कट्टा पछि० बुझेको पाइएको छ ।

फिल्डबुक प्वाल पारेर नबुझिने बनाई लालपुर्जामा क्षेत्रफल बढाईएको पाईएको आयोजनाका संयोजक कृष्ण बहादुर कार्कीले बताए । पौडेललाई लालपुर्जाअनुसार बढी रकम गएको पत्तो पाएर गल्ती ढाकछोप गर्न साउन ७ गते आयोजनालाई पत्राचार गरी बढी रकम फिर्ता गर्ने व्यवस्था मिलाउन अनुरोधसमेत गरेको छ । प्रमुख जिल्ला अधिकारी भगीरथ पाण्डेयले बढी रकम गएको निवेदन परेपछि रकम फिर्ता गर्न पौडेललाई पत्राचार गरिएको बताए ।

सो आयोजनाका कारण प्रमुख रूपमा गोरखाका घ्याल्चोक, फुजेल, नाम्जुङ, बुंकोट, अस्राङ, बोर्लाङ, धावा, तान्द्राङ, आरुपोखरी, आरुचनौटे, आरुआर्बाङ बढी प्रभावित हुनेछन् । यस्तै धादिङका सलाङ, मैदी, खरी, चैनपुर, सल्यानटार, आगिन्चोक, त्रिपुरासुन्दरी, मार्पाक, मूलपानी, बसेरी, बुढाथुम गाविसको महत्वपूर्ण धानखेत तथा टार पनि प्रभावित हुनेछन् ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

३१ श्रावण २०७६, शुक्रबार ०६:२० मा प्रकाशित

समाचार

सबै

मैदीभन्ज्याङ मिनिट्रक दुर्घटनामा मृत्यु हुनेको संख्या सात

मंगलबार धादिङको मैदीभन्ज्याङमा मिनिट्रक दुर्घटना हुँदा मृत्यु हुनेको संख्या सात पुगेको छ।दुर्घटनामा ३७ जना घाईते भएका छन । घाईते मध्ये ११ जनालाई हेलिकप्टरबाट र ६ जनालाई एम्बुलेन्सबाट काठमाण्डौं लगिएको छ.....

ढोलामण्डलीबाट फर्कदै गरेको आईचर पल्टिंदा ७ जनाको मृत्यु

धादिङ , १० माघ - धादिङको ज्वालामुखी गाउँपालिका वडा नम्बर मा रहेको ४ ढोलामण्डलीमा पुजा गरेर भोज खाई फर्किदै गरेका.....

गजुरी गाँउपालिकाभित्रका सहकारीलाई कोपोमिस तालिम

गजुरी- गजुरी गाँउपालिकाले आफ्नो कार्यक्षेत्र भित्रका सहकारी संस्थाहरुलाई अनलाइन प्रणालीमा जोड्न सहकारी तथा.....

मौसममा विस्तारै सुधार हुँदै

धादिङ । पश्चिमी न्यून चापीय वायुको प्रभावले बिहीबारदेखि प्रभावित मौसम शनिबारबाट विस्तारै सुधार हुँदै जान.....

मिटर व्याज थेग्न नसकेपछि सामूहिक आत्महत्याको प्रयास

धादिङ - व्याजमा ऋण लिएर शेयर बजारमा लगानी गर्दै आएका काठमाण्डौंको चन्द्रागिरि नगरपालिका–४, थानकोटका ३७ वर्षीय.....

Categories