र्याफ्टिङ प्रतियोगितामा आइएमई पहिलो (फोटो फिचर)
829 पटक पढिएको
धादिङ, –त्रिशूली नदीमा भएको र्याफ्टिङ प्रतियोगितामा आईएमई वित्तीय समूह पहिलो भएको छ । राष्ट्रिय र्याफ्टिङ तथा धादिङ महोत्सवको अवसरमा शनिवार धादिङका वित्तीय समूहहरुबिच प्रतिस्पर्धा भएको थियो ।
गलौंदीबाट शुरु भई चाम्बास केराघारीसम्मको ५ किलोमिटर दूरी आइएमईले ३२ मिनेट ३४ सेकेण्डमा पुरा गर्दै र्याफ्टिङमा पहिलो भएको हो । त्यसैगरी यती डेभलपमेन्ट बैङ्क समूह ३४ मिनेट ११ सेकेण्डमा पार गर्दै दोश्रो भयो भने किष्ट बैङ्कको समूह ३४ मिनेट ४० सेकेण्डमा पार गरेर तेश्रो भयो ।
र्याफ्टिङ प्रतियोगिताका अन्य प्रतिस्पर्धिहरु मध्ये सिभिक डेभलपमेण्ट बैकको टोली ३५ मिनेट २ सेकेण्डमा र प्रभु विकास बैकले ३८ मिनेट ५० सेकेण्डमा निर्धारित दुरी पार गरेर क्रमशः चौथो र सान्त्वना स्थानमा पुगेका थिए ।
फागुन १७ गतेदेखि शुरु भएको राष्ट्रिय र्याफ्टिङ तथा धादिङ महोत्सव आइतवार सकिएको छ । । महोत्सवको अवधिमा एक हजार भन्दा बढीले त्रिशूली नदीमा र्याफ्टिङ गरेको धादिङ उद्योग वाणिज्य संघले जनाएको छ । स्वदेशी तथा बिदेशी पर्यटकहरुको लागि र्याफ्टिङको पहिलो गन्तव्य बन्ने गरेको त्रिशूली नदी केही बर्ष यता प्रदुषित वन्नुका साथै नदी अतिक्रमण हुँदै आएको छ ।
धादिङमा भएको र्याफ्टिङ महोत्सवको तस्बिर हेर्नुहोस्:
उज्यालो अनलाइनवाट
